【難兄難弟20年．有片】宣萱爆忍笑最難：鎮宇一開聲笑到瞓落梳化
撰文：郭敏玲
出版：更新：
明天不是甚麼特別日子，不過懷舊青春歌舞劇《難兄難弟》就在明天20周年。女主角之一的宣萱都驚訝：「係咩？」並表示對這套劇印象深刻，「因為係1997年，香港回歸。」
宣萱對《難兄難弟》印象深刻，因為當年係1997。（郭敏玲攝）
主角一身懷舊造型，好懷念呀！（網上圖片）
這套劇是TVB極為罕見的歌舞劇，除了做戲，更要唱歌跳舞，應該都會幾chur，不過宣萱回想當時拍戲情況，最辛苦反而要忍笑，因為她的對手吳鎮宇經常都搞gag，引宣萱笑，搞到她忍不住焗蟹，她笑言自己笑點低：「有一場戲係戲中戲嚟，但鎮宇一開聲，我就笑到瞓咗落梳化。」由於忍笑難控制，宣萱說：「所以睇電視都會見到個身震緊。」
宣萱隔咁耐仲記得《情花開》歌詞，勁呀。（郭敏玲攝）
宣萱都話要搵返呢個人腳一齊拍劇唔容易，始終事隔多年，加上各有各工作，難遷就時間。不過宣萱就話讓《難兄難弟》留在1997，「有時拍續集拍得唔好睇就唔好。」她又說：「而家冇一個人做李奇做到好似撈家（羅嘉良）咁神似。」宣萱1997年仲做過咩？佢都唔記得，唯有唱當年在《難兄難弟》裡唱過的《情花開》補數喇。