吳宗憲無限消費周杰倫：把他賣掉，然後他就變成天王巨星!
撰文：鄺鈺瑩
出版：更新：
「每次面對不認識我的觀眾，我也會這樣介紹自己，你知道嗎？我以前是周杰倫的老闆。」吳宗憲呢句說話，真係聽得出酸味（網上圖片）
台灣綜藝天王吳宗憲當年獨具慧眼，將周杰倫簽約為旗下公司歌手，不過，自從吳宗憲02年將公司所有資產（包括周杰倫以及其他歌手）以3億台幣出售之後，二人不和之說就開始出現。周杰倫15年分別於英、台、澳舉行3場婚禮，吳宗憲因並未獲邀，曾一度公開指責對方忘恩負義。
周杰倫當年如果真係唔知情就被賣豬仔，又真係嬲。（網上圖片）
多年來，吳宗憲不時都將呢段恩怨情仇掛嘴邊，而日前，當佢演出內地綜藝節目《吐槽大會》時，又再重提舊年。「很多人關心我和杰倫的關係，沒問題的，02年我賣掉我的公司，連周杰倫也在打包的行列，我就把他給賣掉，然後他就變成天王巨星了，真是見鬼了。」節目播出之後，唔少觀眾對吳宗憲嘅言論十分之有意見，既有覺得佢用打包周杰倫一詞十分有問題，亦有人認為佢每次出現都要重提舊事，令人感到十分煩厭。
吳宗憲曾因未獲邀請出席周杰倫婚禮而公開批評對方，最後周杰倫方面表示「確實有提出要邀他，但被周媽否決了。」（網上圖片）
其實當年周杰倫簽約吳宗憲後，一直都係處於訓練狀況，甚至一度認為周杰倫生得唔靚仔，所以唔夠資格出碟，直到周杰倫創作出《可愛女人》，被當時唱片公司的總經理、亦係至今仍然與他合作無間的楊峻榮聽到，才令周杰倫開始踏上星途。不過，隨着周杰倫成了金蛋，吳宗憲經營的LED事業卻出現了危機，導致佢要變賣唱片公司，而有傳當年的變賣，周杰倫完全不知情。