【獨家】黃宗澤拍邵氏港劇做男主角　「片酬梗係同外面睇齊」

黃宗澤（Bosco）在《溏心風暴3》播出之後，不少人都形容他演凌乘風（阿九）的角色演得夠奸。不過這套《溏心風暴3》有可能是他在TVB的最後一套作品，因為黃宗澤（Bosco）已於2017年與無綫電視約滿後不再續約，並結束了17年的賓主關係。素來有「TVB內地視帝」之稱的Bosco，在離開TVB後轉而加入邵氏兄弟，主力在中國內地發展。

繼早前邵氏兄弟國際影業有限公司拍攝的《飛虎極戰》擔正做四大男主角之一後，黃宗澤最近又有一套與內地的合拍電視劇拍攝當中。這套新劇叫做《守護神》，故事以個別小單元形式播出。據知這次製作非常之揼本，有別於TVB的製作等級，除了到不同歐洲國家取景外，更邀請了苗僑偉、黃宗澤、劉心悠、徐子珊以及艾威、張松枝、顏國樑（《皆大歡喜》石大川）等資深演員演出。

日前劇組在中環蘭桂坊附近拍攝時，《香港01》記者正好碰上。該場景是劇中名為「阿百」的黃宗澤擁着一位索女上的士。該名索女穿上「夜蒲戰場服」，低胸短裙配上紅色高跟鞋顯得相當性感。及後黃宗澤接受《香港01》訪問時說：「我個角色係一個保險調查員，我嚟調查『樂兒』有冇呃保險。（我見你攬住佢上的士，你就好啦。）哈哈，跟住我就跳返落的士吖嘛。（劇入面）大家都以為我喺嚟溝女，其實我嚟查案嘅。（咁『樂兒』喺套戲叫咩名？）佢係客串，可以叫佢美女A。」

在黃宗澤與「美女A」的戲份完成之後，就到萬眾期待的劉心悠上場。劇情講述黃宗澤醉酒送了「美女A」上的士之後，心悠就開着一架Tesla到場接Bosco。但是Bosco因為醉酒的關係，就攬住心悠BB借故索吻。不過「好彩最後冇事」，Bosco並未成功錫到心悠BB。

近年來，黃宗澤已經不多出現在香港電視圈中，就連他有份拍攝的《溏心風暴3》宣傳都失去其蹤影。其實由2012年起，Bosco已經成功打入內地市場，第一套內地電視劇就已經是第一男主角，可謂是「豬籠入水」。今次接這個劇又會是什麼片酬呢？黃宗澤說：「片酬就梗係同外面睇齊㗎啦。（即係有返咁上下喎）咁佢係大公司，同大陸合作㗎嘛。（來年有咩打算？返內地拍劇？）梗係啦，我啲期都安排到年中，我都冇得係香港過年。」咦，言下之意咪即係多過TVB人工多多聲？恭喜恭喜。