《我的港女老婆》作者離婚 真愛只可以出現喺螢光幕到？
撰文：洪曉璇
出版：更新：
香港人去到邊做啲乜食過啲乜嘢，樣樣要影相打卡放上網，除咗呃Like求大眾認同，亦不自覺地形造一種過得好好包裝出嚟嘅生活假像。漫畫家Cuson憑住專頁「我的港女老婆」於網上走紅，以漫畫方式分享佢同老婆Caca生活點滴，點知呢日佢忽然於網上宣布分開，令人愕然。
Facebook專頁將小夫妻間互動，以漫畫形式分享，得到極大迴響廣受網友歡迎。（《我的港女老婆》Facebook）
Cuson喺1月29號中午於Facebook Page寫下長文，剖白同太太之間關係並不如外界所睇咁完美：「一直以來，我們帶給大家的印象是恩愛夫妻、模範情侶、天造地設的一對，我們會一起白頭到老是理所當然的。實際上卻不盡然，我們之間的問題早已存在，而且根深蒂固，只是旁人察覺不到，多年來我們曾多番嘗試挽救，但唔work就是唔work，勉強下去只會令雙方更受傷害。」
《我的港女老婆》源於真愛 作者Cuson漫畫寫夫妻相處細節最共鳴
【我的港女老婆】作者疑戴綠帽網民神速起底 女主角Caca急刪Page
《我的港女老婆》漫畫家Cuson於網上留下長文，宣布與太太Caca分開。（Facebook截圖）
唔少呢套漫畫嘅支持者見到消息都表示愕然及惋惜，Cuson喺留言中表明今後都唔會再有《我的港女老婆》漫畫連載及書籍出版，並希望大家留言表態Facebook專頁去留，到底要保留定刪除，還是改名繼續。大批網友表示尊重二人決定，希望佢地好好生活落去，亦有唔少人慨嘆：「網絡世界見到嘅完美生活，到底有幾多成係真相。」
Cuson於留言中感激太太Caca十年來付出，如果無佢出現，自己嘅際遇亦會截然不同。（《我的港女老婆》Facebook）
+1