【本地薑週末】户外音樂節必備的八大法寶
撰文：扭耳仔
出版：更新：
從今天起，一連三日的本地音樂節《The Weekend 本地薑週末》將會在西九文化區舉行。夏天去戶外音樂節，少不免日晒雨淋，但準備充足一樣可以全情投入！扭耳仔推介八大法寶，讓你玩得開心又放心！
水樽
自備水樽，fill水、汽水或啤酒都得，更不會浪費即棄杯！有個自備杯，既環保，又方便！環保組織「走杯 Go Cup」也會提供可循環再用的杯代替即棄杯，只要繳付按金，便可以享受一個本地夏日綠色音樂節！
小食盒
場內有好多美食，買完食唔晒？睇睇下show又唔想行太遠買嘢食？帶個小食盒裝就又實用又環保。
毛巾
玩到出汗成身濕晒，用紙巾又有紙碎？有毛巾就至使得啦！
雨褸
玩玩下落雨點算好？開遮又怕整到人、阻住人視線？國外著雨褸睇show係非常平常既事，準備好雨褸就萬無一失！
防曬霜
大家都想今個週末陽光普照吧，但長時間暴曬又好易曬傷，帶備一支防曬霜就唔會傷～
香茅油
戶外草地隨時有好多蚊，唔洗一定着淺色長袖衫褲的，一支香茅油跟身就唔怕比蚊咬。
後備電（尿袋）
自拍同朋友share 現場有幾好玩，但就最驚手機突然冇電。帶住後備電隨時救你一命～
喉糖
跟住唱歌唱到喉嚨都沙？食返粒喉糖潤一潤個喉嚨就咩事都無啦！
係咁先～ 到時見啦！