輕鐵出軌｜貨車跌木板肇禍　田北辰：點解輕鐵車長見唔到？

前天（18日）屯門鍾屋村站一架輕鐵出軌，警方拘捕一名貨車司機涉嫌駕駛危險車輛，懷疑他運載的木板跌落路軌。實政圓桌立法會議員田北辰認為貨車司機固然有責任，但質疑輕鐵車長都要負責，「拗爆頭都諗唔明，木方唔係應該好大條咩，有咩可能個輕鐵司機會見唔到同煞車」。

田北辰在社交網站撰文說，出軌事隔一日，港鐵未有任何最新消息交代，他思考良久覺得奇怪，認為貨車司機固然有責任，沒綁實木板，但輕鐵車長應該都要負責，「我就拗爆頭都諗唔明，木方唔係應該好大條咩，睇返新聞話係一塊50乘20厘米木板，有咩可能個輕鐵司機會見唔到同煞車，港鐵點解可以話個輕鐵司機唔需要負上責任呢？」

田北辰說當初輕鐵選擇不全面自動化駕駛，是因為共享路面問題，讓司機以目測方式去檢視路面交通情況，以及路軌上有否障礙物，現在司機卻看不到有任何障礙物，導致出軌，「我覺得點都要交代清楚 ，同埋港鐵肇事司機係咪可以繼續駕駛輕鐵」，若果木板是輕鐵行駛時迎面跌下來，司機未能及時煞車則可以接受。他說港鐵將加快為輕鐵列車車頭和車底安裝感應器，偵測路軌上的障礙物。