【沖繩自駕遊】沖繩自駕遊租車攻略 自由行新手必學

撰文:陳詩雅
出版:更新:

沖繩面積話大唔大,話細唔細,但想暢遊沖繩好多人都會選擇自駕遊;而在網絡上搜尋當地自駕遊租車資訊,最多台灣、香港人租用的公司有OTS RENT-A-CAR、Tabirai等等出租車公司。今次記者就介紹一吓早前親身租用過的OTS公司車輛,手續算簡單唔太複雜,而且有香港人最怕嘅問題:有中文(國語)翻譯咖!租車前可留意最新Klook/Trip.com租車Promo Code,幫你以最抵價錢租車!

揀車篇:家庭客宜選7人車 日本車性價比高於歐洲車

一般家庭去沖繩都會選擇空間較大的7人車,可以多放行李、嬰兒車等等坐得舒服。但記者今次只有2人出發,又想平遊沖繩所以選擇了租金最便宜的「豐田Aqua」5人車,此型號因為是油電混合車的關係,玩了整整7日6夜環遊沖繩島都只係入了一次油,相當慳油!

此外,遊沖繩要租車緊記兩個字:「實用」,因為日本本身是汽車出產大國,遊客想租華麗的歐洲車的話選擇比較少,建議還是選擇性價比高的日本車,租金一定更便宜。

按下圖看更多揀車程序:

記者選擇了租金最便宜的混能車豐田Aqua,車箱夠寧靜,另外剎車系統夠敏感,踩一踩已剎到車,日本車最講究安全。(圖片來源:OTS官網截圖)

交通規則篇:懂國語職員 翻譯日本交通規則

唔識聽日文,究竟可唔可以去沖繩渣車?唔駛怕,因為港、台遊客是到當地自駕遊的主要客源,特別聘用了說國語的職員向客人講解,咁就唔怕一知半解啦!

按下圖睇更多職員講解交通規例流程:

踏入7月是才是日本當地人遊沖繩的旺季節,而記者6月遊沖繩時,到場租車的大都是台灣及香港遊客,不需等侯太耐。

如想了解更多日本交通規則,可參考這個中文版本:www.otsinternational.jp

駕駛執照及汽車保險篇:在港先申請「國際駕駛許可證」

想到日本自駕遊,千萬要記得先在香港向運輸署申請「國際駕駛許可證」(是一本綠色的簿仔),費用只需$80。而國際駕駛許可證駕駛的有效期為一年,但當有效期屆滿後須再次申請,出發前記得check清楚有效日期呀。

按下圖睇更多付款及揀選汽車保險程序:

運輸署國際駕駛許可證申請表:www.td.gov.hk

驗車篇:驗清車輛性能 記錄花痕位置

當職員帶你去取車時,緊記一定要即時睇清楚車輛有沒有花痕,並且要職員立即記錄低,否則當你開車離開後,有任何刮花就是租客的責任呀。

按下圖看驗車注意事項:

車上有日本GPS定位系統幫助,只要輸入目的地地址/電話就可跟著路線前進。
一般慣了用Google map的司機, 覺得Google可替你找避開塞車的行車路線,可配合GPS一齊使用,將搵路時出錯機會減低。