【日本白川鄉】合掌村點燈日2020!交通資訊、住宿預約教學懶人包

撰文:
最後更新日期:

每年合掌村點燈都會吸引一大班遊客去 白川鄉 ,想一睹世界遺產人形木屋覆蓋喺雪地入面、襯埋閃令令嘅燈光,成個畫面溫馨又浪漫,而且錯過咗就要再等一年!

但白川鄉點去?咁嘅旺季住宿又點訂?睇下KKday為你準備嘅合掌村交通住宿完整攻略,之後拿拿臨買機票執行李出發啦!

+8
+8
+8

【日本旅遊指南】九洲玩到北海道?一文收錄「食住買玩」最強攻略

1. 白川鄉合掌村點燈日期

合掌村已經公佈咗2020點燈日期,有計劃前往體驗合掌村點燈嘅美景就快啲將以下日期記低啦!

第一回:13/1 (一)

第二回:19/1 (日)

第三回:26/1 (日)

第四回:2/2 (日)

第五回:9/2 (一)

第六回:16/2 (日)

總共六回,都係喺星期日、星期一。點燈活動時間固定為晚上17:30-19:30。

為咗控制人數,喺點燈活動期間,如果沒有事先預約係入唔到村!(VCG)

#2020點燈活動採完全預約制

為咗控制人數,喺點燈活動期間,如果沒有事先預約係入唔到村!想入村欣賞嘅朋友可以以下四種方法預約:

1. 喺村內留宿:觀光協會8月中開放抽籤,或8月上旬官網會公布可以預約嘅民宿清單。

2. 利用當地停車場,當日自駕來回:觀光協會8月中開放抽籤,3,000円 /架(1架車最多坐8位乘客,9 – 12位乘客: 5,000円 /架),前往展望台嘅接駁巴士車票: 1,000円 / 位。

3. 乘坐旅遊巴士:請向各大旅行社查詢。

4. 乘坐公共巴士:請向各巴士公司查詢。

【進撃昇龍道】立山黑部、白川鄉行程點排好?高山金澤景點大集合

2. 合掌村點去?

通常大家都會由名古屋出發去合掌村,而昇龍道票券就係大家最常用嘅交通券,入面包含咗好多可以搭嘅巴士路線,除咗合掌村之外,呢張交通券仲可以去埋其他地區㗎!有張昇龍道高速巴士周遊券喺手,日本中部交通都即刻輕鬆上手!

出發地:日本中部機場、名古屋、高山

目的地:名古屋、高山、金澤、白川、松本等地

票券種類:三日券、五日券

使用方式:憑通票可以喺指定日期內任意乘搭高速巴士

另外三日券同五日券都有啲一定要預約咗先搭得嘅路線,KKday喺度幫大家整理埋~

昇龍道三日券、五日券整理(KKDAY授權使用)

基本上去白川鄉最常用嘅巴士就係濃飛巴士,經常會有人會由高山、金澤去白川鄉。至關於前往白川鄉高速巴士嘅路線查詢,大家可以參考下官網。

從高山乘坐巴士的旅客:

濃飛巴士

https://www.nouhibus.co.jp/sale_shirakawago_illumination_zh/

從高岡 / 新高岡乘坐巴士的旅客:

加越能巴士

http://www.kaetsunou.co.jp/7555/

岐阜巴士官網

http://www.gifubus.co.jp/

【濃飛點燈巴士】

另外,以下係2019年濃飛巴士針對點燈開放嘅巴士費用,大家可以參考埋~

高山出發:成人 日幣5,000,兒童2,500日圓

下呂出發:成人 日幣6,000,兒童3,000日圓

行程: 下呂→ 高山 → 白川鄉夜間點燈→ 高山→ 下呂

票券包含:往返巴士座位、合掌村民家園門票

預約辦法:一個月前開始受理預約,只接受電話預約~

以上嘅兩種方式適合想當日來回,或是冇打算住喺合掌村嘅人~

如果唔識日文但都仲係想去合掌村,亦都可以參考以下兩種方法!(VCG )

3. 唔識日文點Book房?

喺合掌村嘅民宿多數由日本嘅長者經營,所以基本上都剩係識日文,而訂購方式亦都多數用電話、傳真或者E-mail,呢個時候如果唔識日文又冇日本朋友可以幫手,咁應該要點先可以喺合掌村留宿呢?

呢度有兩種方法可以提供比大家參考:

#信用卡白金秘書

如果你張信用卡係白金卡Level,咁你可以睇下你有冇「信用卡白金秘書」呢個服務,如果有,咁你就可以打電話比你嘅發卡銀行、或者打比信用卡機構(Visa、Master Card等),之後就可以請專人幫你代為訂房!

#白川鄉觀光協會

如果上述嘅方法你用唔到,咁你都可以選擇搵白川鄉觀光協會代為訂房。雖然佢哋都係用日文嘅操作介面,但相對嚟講就方便好多,亦都唔洗用日本打電話溝通~

▼▼你可以照以下步驟Book房(按圖放大)▼▼

小編就建議大家可以喺詢問內容嘅地方填多幾間住宿,咁遇到想訂嘅民宿已經爆額嘅情況時,觀光協會嘅人就可以直接幫你問埋其他民宿。另外如果可以訂,都要再次回信答覆返係咪要確認預訂。

留意返,第二欄係要填寫中文轉換後嘅日文拼音㗎!如果大家都係覺得用觀光協會訂民宿麻煩,咁你都可以考慮「大田屋」,呢間民宿有提供英文嘅訂房服務!

▼4. 注意事項(按圖放大)▼

+11
+11
+11

以上就係KKday為大家整合嘅合掌村點燈攻略,祝大家都可以成功咁欣賞到呢個又壯觀又浪漫嘅點燈靚景啦!

【本文獲「KKday」授權轉載。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。