人長大後投入社會，不時都會「懷緬過去常陶醉」。有網民於連登討論區發帖，指「中學調位係人生中最刺激最期待嘅事」，引來其他網民熱烈回應，更分享自己當年讀書時，笑中有淚的調位經歷！

有網民在連登討論區以「中學調位係人生中最刺激最期待嘅事」為題發帖，更表示「畢業咗咁多年都搵唔返呢種感覺」。調位之所以刺激，當然是在於其不確定性，結果完全「估唔到」，好運的可以與心儀對象成為鄰居，不好運的分分鐘只可以獨坐「單丁位」。有網民表示，調到同靚女坐真係開心死，不過有次調到同肥婆坐，成個月夾埋唔知有冇同佢講過十句」，不過亦有人忽發奇想，指「啲老師應該特登排到一個正常樣跟一個毒X/肥婆，等自己班冇咁多情侶」。

又有網民分享因為調位而結識到的另一半，指中學時兩次調位都抽到與同一個女同學一起坐，班上同學立即表示兩人十分有緣，「連個班主任都玩嘢話想拆都拆唔散我哋」。他說女同學當時雖然「紅都面曬」，不過自己便裝作鎮定，說「唉，我都唔想架，不過冇計啦我信個天！」。兩人很快便成為情侶，不過很快亦分手，兩人拍拖不足半年。

調位雖然刺激，但不喜歡調位的網民亦不少。

雖然這位網民的故事最後未能開花結果，但其實「調位情緣」仍然有機會發展成穩定的關係。有網民表示，自己讀中學時，曾經與一名比較乖的女同學坐，自己因為悶便不斷與該名女同學說話，最後女同學更成為了他的初戀，至今拍拖已經有5年。

調位這回事，去到最後當然還要考慮到老師的想法。又有網民提到，自己曾經得罪老師，結果只能輪流坐課室內的4個角落位，但老師仍然堅持是隨機分配，使自己感到非常不滿。不過亦有網民「突破盲腸」，指「我諗係個班到有啲特別樣衰，特別樣靚，或者有暗戀對象同一班先會覺得刺激」。