中秋節丨婆婆拒與家人食飯做節 背後原因有洋葱 阿女出招超窩心

撰文:安祖娜
出版:更新:

對老一輩來說,一家人趁中秋節聚首一堂食飯慶團圓是最重要的事。有網民早前發文,指每年中秋全家也會到婆婆家中「做節」,沒料今年婆婆突然提出「唔好成棚人一齊走上去食飯」,令家人大感震驚,追問下才知道婆婆擔憂自己年紀大未能煮出美味餸菜。樓主的媽媽聞言不禁泛淚,決定召集一眾家人幫忙,同時安慰婆婆,令做節晚飯窩心又圓滿地完成。

有網民分享早前與家人做節的經歷,感慨人愈大便更珍惜家人。(《溏心風暴之家好月圓》劇照)

下載「香港01」App ,即睇城中熱話

該網民於香港討論區發文,表示家人習慣每個周末到婆婆家中相聚,除了去年因疫情影響要「分開幾餐食」,平日的大時大節會連同爺爺嫲嫲及一眾親戚食飯慶祝。不過一向注重做節食飯的婆婆今年竟一反常態,當樓主媽媽問她要否幫忙煮食時,突然提出「今年唔好成棚人一齊走上去食飯」,令家人非常震驚。

在女兒追問下,婆婆才「怕醜」地道出不願做節的真相,指自覺年紀漸大,「好耐冇試過煮咁多人飯啦,𠵱家人老咗味蕾都唔聽使,驚煮得唔好食失禮人呀」。樓主稱,媽媽聽到婆婆的「擔憂」不禁眼泛淚光,只好安慰:「一個人煮唔到咪加多啲人一齊幫手囉,一家人嚟㗎嘛,做節唔係只在乎好唔好食咁簡單,仲要睇係同邊個食㗎!」

樓主指婆婆自覺年紀大味覺退化,擔心未能煮出美味的餸菜,才提出不與家人做節。(《溏心風暴之家好月圓》劇照)

樓主續指,媽媽其後召集了全家人,於做節當天合力準備晚飯,實踐她安慰婆婆的話。而身為愛孫的樓主事後也有感而發,稱聽到婆婆自覺年老,擔心未能煮出水準後,令他更覺要珍惜與長輩一齊食飯的時間。

帖文引來網民共鳴,感嘆人愈大便愈懂珍惜家人,又大讚樓主及家人堅持與婆婆相聚,「老人家諗嘢會側埋一邊,好在你哋堅持呢餐飯」、「其實食乜都係其次,有節日做藉口可以一家齊齊整整食飯,你同阿婆講已經好幸福,食乜都冇所謂」、「樓主仲有上一代長輩真幸福,有能力有機會真係要對佢哋好啲」。

👇👇👇按圖了解12星座中秋節開運宜用哪些顏色👇👇👇

+7
請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:內地「古董月餅」放10年無發霉 網民質疑防腐劑太多 專家咁解釋【點擊下圖放大即睇內容 ▼ ▼ ▼】

內地「古董月餅」放10年無發霉 網民質疑防腐劑太多 專家咁解釋
+2

內媒就此向上海市食品添加劑和配料行業協會查詢,會方的防腐劑專家吉鶴立就分析可能原因:

+1

上海復旦大學公共衛生學院營養專家厲曙光亦就「古董月餅」作解釋:

+2

網民笑爆煮月餅伯伯為「當代神農氏」:

+11

同場加映:【暗黑料理】11種最潮奇特口味月餅 即食麵味、韭菜味你食過未?【點擊下圖放大即睇內容 ▼ ▼ ▼】

【暗黑料理】11種最潮奇特口味月餅 即食麵味、韭菜味你食過未?
+7
發表評論...