【年度甜品】半熟梳乎厘am.pm 推新口味!

撰文:
最後更新日期:

曾經喺香港風摩一時嘅小食有好多,好似抹茶乜乜乜、芝士撻、瘋薯等等,真係可以食唔停嘴!喺計劃新一年嘅美食大計之前,不如回顧一下上年出色嘅甜品,要數2018年最夠人氣嘅一定係嚟自日本嘅梳乎厘班戟,一年間多間梳乎厘店旋風式攻港,勢要俘虜港人嘅胃!佢嘅吸引之處就係班戟厚而挺身,口感超鬆軟,加上忌廉、糖霜同楓糖漿,淨係食原味已經好好味~

立即下載e肚仔 熱哄哄梳乎厘一步到胃

由日本嚟嘅價錢總係貴,食一份梳乎厘班戟就要過百蚊,去日本旅行食過之後喺香港就唔捨得再食,對於食梳乎厘嘅慾望,只可以話「姐想吃,但姐不説」,呑呑口水就算。油麻地就有一間梳乎厘班戟店叫好叫座,有多個款式同口味選擇,每份班戟嘅價錢都唔過$50,實在係非常親民,難怪由上年開始至今依然人氣十足,無論係放飯時間、收工時段定周末都係企滿人!

源於小編對梳乎厘嘅渴望,二話不説就叫咗佢嘅原味梳乎厘,望住店員將一球球班戟漿放上爐面,計準時間同火力,再以熟練手勢反轉看似好脆弱嘅鬆軟班戟,過程中飄散住濃濃蛋香,未食已經食指大動。新鮮熱辣到手嘅兩層班戟空氣感充足,呼岀嚟嘅都係暖暖空氣,配上薄薄一層糖霜同黑糖漿,甜度啱啱好,完全係幸福嘅味道~

而最夠人氣,不得不試嘅係老闆首創「炎燒布丁梳乎厘」,用咗香濃牛奶布丁custard、法國奶油同酥脆焦糖,成為『抖音』Tik Tok 2018 年點閱率觀看次數最快突破一億嘅甜品!面層燒焦嘅焦糖令梳乎厘更香軟,有法式嘅味道。

另外小編亦試咗「白朱古力流心布丁梳乎厘」,個人本來怕白朱古力會好甜,點知唔單止甜度適中,入口即溶嘅流心布丁好似冰凍嘅芝士蛋糕一樣, 搭配剛出爐嘅梳乎厘絕對係驚喜之作!

新一年老闆再推出全新「雪芳梳乎厘杯」,以現烤雪芳蛋糕為主, 搭配入口即溶嘅水果慕斯同即打忌廉,一層蛋糕一層cream,帶嚟五層驚喜。限定款紙杯有絲絨蝴蝶結做裝飾, 食之前梗係要打卡先啦!

個人認為如果班戟係主角,就唔少得雪糕呢個配角嘅岀現令班戟更鮮明!用e肚仔買任何一款梳乎厘班戟,都可以優惠價$12加配日本3.7牛奶軟雪糕,今期係士多啤梨口味,一啖班戟一啖雪糕,兩種唔同口感同時喺舌尖上遊走,經歷一次幸福滿滿嘅日本之旅!

am.pm

油麻地彌敦道560號譽發廣場地下B鋪



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。