《2017年度勁歌金曲頒獎典禮》昨晚完滿結束，李克勤以4獎成為男歌手大贏家，至於女大贏家方面則是獲頒3個半獎的菊梓喬（Hana）。

【勁歌總選】完整名單 「星夢」奪15獎成大贏家是常識吧！

Hana自13歲開始便身兼母職，照顧比自己細一年的妹妹。她曾在訪問中透露當年父母因為某原因離開了她們，所以她們兩姊妹自小相依為命，Hana 13歲時更因養家而一度輟學。今年她在樂壇有不俗成績，當她接受《香港01》訪問時不忘感謝妹妹背後支持「佢（妹妹）一直喺身邊支持我，佢從來都無懷疑過我嘅能力。佢成日都同我講，喺佢眼中我係一個『超人家姐』。我希望有一日可以用自己能力照顧佢，我永遠愛佢。」

於今年1月才正式加盟星夢娛樂的Hana，短短在1年時間已經在「勁歌」成女大贏家，成績如何相信不用解釋。連星夢老闆早前接受《香港01》訪問時表明要「造多位天后出嚟」，經過「勁歌」後果然真係「造」到！Hana除了贏得兩個「勁歌金曲」獎、「最佳合唱歌曲」（銅獎）、更得到「最佳演繹女歌星獎」，從獎項牌面已經感受到銳意把Hana打造成天后的決心。

Hana表示：「我知道歌手嘅路好難行，但今年我真係得到好多人幫助，所以我一直都唔孤獨，我會好好珍惜而家擁有嘅一切。」提到被打造成天后，Hanna謂：「我心目中嘅天后係一個受人尊敬、有感染力、正能量嘅人。好多年輕人都會受偶像影響。好多青少年都會經歷迷惘，我曾經亦係，我都好想有一位咁有感染力嘅人影響我，我希望有一日我可以成為呢個人。」