【勁歌總選】連唱兩次《天網》唔尷尬 周柏豪：唱三次我都OK㗎！
撰文：黃浩晉
出版：更新：
《2017年度勁歌金曲頒獎典禮》昨晚完滿結束，出道30周年的李克勤成大贏家，連奪四個獎項，加上在十大中文金曲及新城勁爆都成績彪炳，今年樂壇絕對是「李克勤年」。不過，今年「轉會」做星夢一哥的周柏豪也是焦點之一，他奪得「最高人氣歌星獎」及憑《天網》得「勁歌金曲獎」兩個獎項。
周柏豪憑一首《天網》奪得「最高人氣歌星獎」及「勁歌金曲獎」，更入圍「最受歡迎歌星」五強。 (梁碧玲攝)
一轉會就備受力捧的周柏豪接受後台訪問時，表示今年所得獎項唔係「寫包單」：「喺自己公司頒獎禮得到獎項係好有意思嘅，因為其實公司俾好嘅機會我去拍劇，俾我去唱劇集主題曲唔代表一定會受歡迎嘅，呢個唔係寫包單。」
他續說：「呢件事係要外界都認同，真係覺得首歌好聽，公司先可以俾一個獎項我。如果外界唔鍾意我嘅角色都頒獎俾我，係唔合邏嘅呢件事！所以要叫好又叫座，又要我把握到呢個機會先得，所以好多謝公司同樂迷。」
星夢歌手齊齊有獎攞，唔知呢個畫面會唔會喺其他頒獎禮出現呢？ (梁碧玲攝)
另外被問到，要連唱兩次《天網》時有何感覺，周柏豪表示：「唱三次我都OK㗎！因為兩個版本唔同，第二次係Live Band，可以同趙增熹老師去夾，又有Dancer又有煙花，俾觀眾聽多啲我嘅歌係好事。」提到煙花效果，如果有入場的讀者都會覺得如槍聲般震撼，原來有周柏豪事沒有綵排過，幸好舞台演出經驗豐富所以一樣淡定面對。
雖然周柏豪在台上唱足兩次《天網》，不過他表示：「唱三次我都OK！」 (梁碧玲攝)