【有片】黃家駒56歲冥壽　重溫5首經典《海闊天空》聽一次喊一次

音樂無分國界，而且歷久不衰永遠流傳。今日（6月10日）係Beyond靈魂人物黃家駒56歲冥壽，即使他已經離開大家接近25年，但佢嘅金曲佢嘅精神，一直都陪伴住大家。黃家強喺凌晨上載同哥哥家駒蠟像嘅合照，留言話：「真的好感動，在你生日的今天，成功為你舉辦廿五週年紀念慈善演唱會，也達成我多年的心願，在北京杜莎夫人蠟像館有你的蠟像，感謝各方的幫忙，讓我願望成真，家駒二哥，祝你生日快樂！」

Beyond另一位成員黃貫中（阿Paul）早前同單立文等，於紅館舉行「搖滾大俠奏」演唱會，喺台上唱出Beyond名作《灰色軌跡》後，阿Paul話：「好朋友，生日快樂﹗我地唔會忘記你，一切在心中。我地總會有相見嘅一日，佢嘅音樂會繼續流傳」。