鄧麗欣演唱會｜成功合體Cookies 7餅碎唱《心急人上》掀回憶殺
撰文：鄺鈺瑩
出版：更新：
一連三場《STEP by STEPHY 鄧麗欣紅館演唱會2025》今晚（16日）尾場，「細佬」Jeffrey 任嘉賓，齊唱《好好戀愛》，最好笑Stephy 表示有亂倫感覺，因為兩次電影合作後，真把對方當作是家人，之前就算唱《十分愛》時，都會避開對方眼神。
而去到Encore 環節，Cookies 終極現身，Gloria、Elaine、Miki、Kary、Angela再加上移居外國的Helena。Cookies拆夥後，曾有同7人在2012年 Shine 的演唱會上台體，再數前一點要去到22年前，最後一次齊人演出，是2003年在《勁歌金曲》表演。相隔多年，雖然未見傅穎與蒲茜兒（Serena），但7餅碎齊唱《心急人上》令全場觀眾嗌爆，Stephy十分感謝好姊妹撐場，之後再全場一齊大合唱《Forever Friends》。