林二汶搞網上音樂會為毛孩籌款 自爆想做校長:搵阿哥做校工

撰文:陳栢宇
出版:更新:

林二汶昨晚(28/7)在銅鑼灣舉行網上慈善音樂會,並將籌得善款分別捐予「香港社會創投基金」和「大樹下善待動物庇護站」兩間機構。她坦言選擇向動物機構捐款,是因為移民潮下帶同小動物離開一點都不容易,部份的棄養令動物機構造成壓力:「我屋企嘅小毛孩44都係領養返嚟,有時都想領養多一隻,但係都要問吓父母。」另外,二汶透露正籌備自己的音樂學校,笑言自行升職為校長:「我想喺生日時完成呢件事,送自己一份生日禮物。如果阿哥返嚟就畀佢做校工,最怕係佢返嚟一陣又走,到時啲小朋友鍾意咗佢又走,我都唔知點算。」

+3

至於主持人陳智燊(Jason)則指自己近日在家欣賞奧運,更踢爆太太宋熙年看到劍擊手張家朗奪金後馬上想為兒子報班,他說:「我自己可以教下網球、足球,如果佢哋有潛質就要搵人教,希望佢哋向唔同方面發展。」但他強調與太太不是虎爸虎媽。此外,Jason亦有透露之前曾與TVB及香港開電視洽談合作,不排除再拍劇。