Chill Club｜鄭中基只唱3首歌網民嫌唔夠喉　駱振偉唱一首都被鬧

昨晚（30/8）播出的ViuTV音樂節目《Chill Club》，邀得鄭中基首度亮相節目。難得邀請到鄭中基，一眾粉絲當然非常高興，可惜節目播出後，都有大批網民不滿主持駱振偉（Thor）出鏡太多，連鄭中基的《搬屋》都唱埋，遭網民鬧爆！

節目甫開場就邀請到Senza A Cappella及dR.X 獻唱多首Ronald經典歌，包括《我代你哭》、《閉目入神》、《無賴》 等。其後主持駱振偉及Joey Tang就分別唱出《搬屋》和《天意》，而鄭中基只唱3首歌《晴天陰天雨天》、《My Only One》、新歌《我們》及跟Joey合唱《心寒》。

節目播出後，大批網民去到ViuTV的Facebook留言，投訴節目有半集都是主持唱嘉賓的歌曲，「咁難先等到暴龍哥，唱得3首半 唔需要其他人唱，只想聽佢本人唱囉」、「《搬屋》係想暴龍哥唱囉」、「可以俾番D（啲）時間俾鄭中基嗎？？？」更有網民指出節目早前曾邀請梁詠琪做嘉賓，差不多整個節目都是交由Gigi獻唱，這個做法會比較好。