前《勁歌》主持人譚嘉儀今晚（5/11）現身電視城出席無綫綜藝節目《思家大戰》錄影。提到翡翠台版的《勁歌金曲》播放時間由1小時縮短為15分鐘，然後再Cut成5分鐘播放。嘉儀笑言：「如果嗰5分鐘全係我，我就唔覺有問題，哈哈！不過咁，節目有所調動，始終都有佢嘅原因嘅，而且相信大家都係好努力咁做好呢個音樂節目，但如果可以的話，咁梗係想呢個節目時間可以做長啲，而我哋啲歌手又可以上台唱吓歌咁，而且又可以有啲時間做訪問。」