無綫（TVB）歌唱節目《聲夢傳奇2》日前完成招募，今日（14/11）在將軍澳一個商場舉行初選。炎明熹（Gigi）與姚焯菲（Chantel）、鍾柔美（Yumi）等9位《聲夢》畢業生以師兄姐身份登場，也與其中10位《聲夢2》50強選手交流心得。

Chantel在活動後接受《香港01》訪問，她坦言被當日壓軸登場的15歲女將吸引：「我知道佢係學美聲嘅，覺得佢唱得好好，比起我之前啱啱入圍，我係完全唔知自己做緊咩，但係佢已經充滿自信，唱得好好，如果佢哋再經過訓練，一定會唱得更加好。（睇到以前嘅自己？）其實都係，見到佢好緊張，我都諗返起之前都係咁緊張，但係佢其實唱得好好，唔需要覺得緊張。」

記得第一屆初選時只是在錄音室進行，問到如果該屆已經要到商場初選，Chantel直言一定會非常緊張：「我嗰陣係完全未夠水準入圍呢個比賽，當然係會走音嘅，如果畀我揀，我唔會喺呢度做初選，想喺返公司度。」

炎明熹與胡鴻鈞合唱　讚大師兄係暖男：佢企喺我隔離令個心安定返