歌手鄭欣宜（Joyce）今晚（4/1）現身尖沙咀，舉行《叱咤樂壇 Joy Joy Joyce Singing Party》，演繹新碟《Joyce To The World》內的《@princejoyce》、《最難行的路》、《小夜燈》、《先哭為敬》和新歌《But I'm not lonely》。現場有數十位歌迷欣賞表演外，馮允謙（Jay）也在旁一起祝賀Joyce推出新碟。

Joyce早前在《2021年度叱咤樂壇流行榜頒獎典禮》贏得「叱咤樂壇女歌手」金獎及「我最喜愛的女歌手」，她在騷後接受訪問時透露，她在頒獎禮翌日重返成長地九龍城，與好友一同慶祝。除了吃兒時最愛的牛肉餅、酥皮蛋撻，造訪街市內的上海舖外，更在舊居附近的公園盪鞦韆。她直言這個慶祝方式非常特別、難忘：「係一個好落地嘅慶祝方式，好似係承認、接受同擁抱我嘅過去，呢啲嘢係必經，先會有今日嘅自己。所以1月2日用呢個方式慶祝係好有意義。」

她形容這次慶祝猶如落區，期間收到途人祝賀，不過未有衣錦還鄉的感覺：「點解嗰日咁重要，其實係我唔想有呢個諗法。我好清楚得到獎項好開心，但呢個係開始，我想行嘅路仲有好長，需要學嘅嘢仲有好多。要記得我係一個點嘅人，繼續做呢樣嘢。」談到新碟面世，Joyce笑說是用青春換取：「我由29歲等到34歲先出到呢張碟，今年會係35歲，我要喺正式變中女之前要慶祝有可愛一面嘅碟，所以上面畫晒公仔，因為我仲青春。」

對於有網民留言說，假若母親沈殿霞（肥姐）看到女兒成就會感到安慰，Joyce不認同：「我覺得自己可以再好啲，真心錫我、真係了解我嘅人係唔會同我講『你做得好好』，而係講『我知你做到，一早知你得』，所以我要做得好啲。」