心靈的進行曲︱Cousin Fung新歌記錄傷痛 將最虐待旋律留給自己

撰文:陳芷穎
出版:更新:

相隔4個多月,Cousin Fung帶來第二首個人作品《心靈的進行曲》,歌曲取材自他最近出版的鋼琴純音樂專輯內,一首名為《heal and hurt》的原創旋律。若要說上一首作品《踏遍星塵來治癒》是為崩潰的心靈尋找治療良方的紀錄,那麼新歌《心靈的進行曲》便是接受心靈變得體無完膚後,仍在漆黑中探索出口的筆記。

相隔4個多月,Cousin Fung帶來第二首個人作品《心靈的進行曲》。

無意間創作了看似是一個「系列」的歌曲,Cousin Fung表示可能跟自己的狀態有關,他說:「可能係因為呢段期間嘅我係處於同一個『系列』嘅唔同階段,所以先引發到創作嘅題材仍然圍繞住。」他又指相對於「治癒」與「治療」,歌曲更偏向是對世界、對事情的感應:「感應有時來自一啲直覺,如果直覺帶來痛楚嘅話,會特別深刻。假如直覺唔純粹係直覺,而係會成真嘅話,就更記得。就好似預知到一啲人會離去,而佢哋又真係會離去一樣。呢種感應,冇好過有。」有傷痛有經歷的樂迷,大概會對這首歌引發共鳴,特別是在夜闌人靜或是黎明破曉時服用,會有更顯著效用。

無意間創作了看似是一個「系列」的歌曲,Cousin Fung表示可能跟自己的狀態有關。

曾聽過《心靈的進行曲》這歌的人,大概也會抱有疑問:「為何不找女聲演繹?」這個疑問Cousin Fung亦曾問過自己:「其實呢首歌我喺錄音室有試過至少3個唔同嘅key。聽完幾個key嘅版本之後,連我自己都覺得本來應該係由一把女聲去唱,唔應該由我嚟唱,至少我唔認為襯。但好似唯獨是D key,令呢首歌音樂上整體有一種靈性嘅感覺,其他key係冇呢個效果,如果唱其他key嘅話,好似已經冇唱落去再發表嘅必要。」Cousin Fung形容錄製此歌時,是他唯一可以自己挑戰完成的事:「有一種無論如何都要唱得到全首嘅動力,就好似除咗呢樣嘢係可以付出努力求成果之外,呢一刻已經冇其他嘢可以因為我想做而做到,呢個係最真實嘅現實。」而另一個堅持自己演繹此歌的原因,是與Cousin Fung的「溫柔」有關:「畀其他歌手唱嘅旋律會比較『友善』,畀自己嘅旋律就『唔友善』,即係唔會遷就自己,轉換一個角色變成歌者就要唱到為止,其實有啲虐待嘅成份,所以虐待嘅嘢就留返畀自己。」

另一個堅持自己演繹此歌的原因,是與Cousin Fung的「溫柔」有關。

來到第二首派台歌曲,Cousin Fung終於有屬於自己的MV,由於今次合作的導演是在goldEN時期已經合作過,所以雖然說是第一支個人MV,Cousin Fung表示反而有一種久違的熟悉感覺:「唯一分別係缺少了Kenneth,比起二人分擔,個人集中力嘅要求高咗。」對於為何要在第二首作品才決定推出MV?Cousin Fung直言作為一名自資歌手,要推出MV絕非容易的決定,他直言能下定決心開拍MV,要感謝Kay謝安琪的鼓勵:「多謝Kay 喺當中有唔少嘅助力同鼓勵。自資歌手出MV唔係容易嘅決定,理想同現實好多時都處於對立面,多得Kay從中有唔少經驗上嘅輔導,疏通咗我一啲擔憂。」

雖然是次MV的拍攝時間相當緊絀,但幸好導演是曾合作過的Leecat,令Cousin Fung放心了不少,當然作品亦是超額完成,Cousin Fung讚嘆表示:「喺呢個時間限制之下,導演可謂發揮咗佢自己嘅天才,從一份純文字歌詞generate成幾個主要場景人物同畫面,呢啲都係導演嘅功勞。拍攝時眼見導演嘅時間管理同應變非常出色,相信佢能夠呈現到佢想表達嘅嘢。」

+3