陳柏宇「火車未到站」開騷成焦點 自嘲唔怕失守:我冇咁大抽!
陳柏宇(Jason)昨晚(4日)於亞洲博覽館舉行《陳柏宇feat. 九龍搖擺俱樂部演唱會2023》演唱會,全晚唱出接近30首歌,除了唱出《逸後》、《你瞞我瞞》及《沒有你,我甚麼都不是》等「必唱歌」之外,更唱出多首sidetracks如《Mr. Adult》、《最佳努力獎》及《親愛的仇人》」等等。到演唱會尾聲,全場歌迷舉起手幅一同大合唱《永久保存》,令Jason又驚又喜,開心到眼濕濕。
不過,演唱會上卻發生了一段「蝦碌」的插曲,Jason全晚都穿着同一條褲子,原來一直都是「火車未到站」的狀態!直到演唱會後半段Jason唱到《閱後即焚》的時候,經台下觀眾提點才馬上在台上拉上褲鏈,並引用歌曲中的一句歌詞:「成年後才知忘記是異能!」
他於演唱會後接受訪問時,再次提起當時的烏龍情況,直言其實自己一點也不尷尬,:「其實我長期唔記得拉褲鏈㗎,真係長期唔係講笑,如果成日做訪問都係影全身嘅話應該都可以留意到,哈哈。」他解釋自己在演唱會期間雖然沒有去廁所,不過因為要「攝衫」的關係才失策,被問到會否擔心讓側邊的觀眾看到走光,Jason笑稱:「我冇咁大抽,哈哈,應該唔會失守嘅,同埋入面又唔係真空,有底褲㗎嘛!(呢個size安全嘅?)安全!夠用囉,哈哈!」
Jason透露自己上個月去完頒獎禮之後不幸確診,一度擔心自己無法如期開騷:「頭嗰兩三個禮拜真係擔心,因為個effect幾大,冇咗把聲,不過一路都有同老師做vocal training,狀態開始恢復番嘅時候就冇咁擔心。」太太符曉薇(Leanne)臨盆在即,Jason被問到當時有否擔心傳染給對方,他笑言Leanne抵抗力實在太強勁,一點也不擔心:「唔驚喎,因為個女都早兩個月又中完!(Leanne有冇中?)佢冇喎!經歷照顧完個女,我中嘅時候又照顧埋我,都冇中喎,好勁啊佢,無敵咁啊!」