鄧麗欣（Stephy）上月完成一場限定的演唱會《Stephy Therefore I Am 2023》，加上又多部電影等住拍，工作拍得密密麻麻，但一向非常孝順的Stephy無論如何都會抽時間為母親慶祝生日。Stephy昨日在Instagram上載了與母親的合照，祝賀母親：「快樂，健康 #年年有今日 #歲歲有今朝」。

每年都會分享母親生日照的Stephy過去曾上載童年照，並爆母親真面目：「其實我從小就覺得……我阿媽……好似Liza姐！係呀！佢型底㗎！今日佢牛一，曬下佢當年個潮Look畀大家睇（附送我個薯look）。」不過隨著年紀增長，鄧媽媽的造型偏向簡單低調，但依然非常有時尚觸覺。相中見到到鄧媽媽穿上黑白格紋外套，竟然與2019年的慶生裝扮一樣，一件外套著4年，除了慳家之外，見得鄧媽媽的身形管理得非常好。

Stephy麗欣與媽媽輪廓當似，尤其鼻及嘴巴，十足餅印。另外，有不少圈眾人都有留言向鄧媽媽送上祝福，包括有好姊妹區文詩、謝安琪、張繼聰等。