鮑起靜為李克勤新歌扮失智病人 MV導演梁榮忠：克勤好大膽！
撰文：彭嘉彬
出版：更新：
近年香港電影不乏以病患作題材的好作品，這類作品往往也能引起大家共鳴，更得到不少獎項的認受。而這風氣亦逐漸蔓延到微電影及MV上，就如李克勤新歌《失魂記》，MV亦是以腦退化症 (又稱失智症) 為題材。
MV玩咁大，當然要有啲「老戲骨」將故事撐起，於是克勤親自邀請了胡楓及鮑起靜於MV中飾演自己的父母，而鮑姐便正正是故事中患上腦退化症的角色。近年鮑姐的演技有目共睹，不論電影、電視、MV，紛紛找她擔當主角，絕對是票房擔當。今次鮑姐在MV中與修哥的互動，讓人感受到老夫老妻之間的愛之餘，同時修哥也演出了照顧腦退化老伴的那份無奈及無力感。
MV中有好多幕都充滿住電影張力，尤其鮑姐夾雞脾呢一幕真係睇到人眼濕濕。
其實鮑姐也並非第一次飾演腦退化症的角色。去年的電影《大手牽小手》中，鮑姐飾演黃浩然的媽媽，角色同是失智病人，及後更患上末期癌症。鮑姐憑這個角色在《第36屆香港電影金像獎》中提名最佳女主角，可見她在這類型角色的處理上絕對是駕輕就熟。
電影《大手牽小手》中，鮑姐同是飾演身患失智症的母親，賺人熱淚。
鮑姐更笑言：「我都好開心有機會同偶像（李克勤）合作，而且唔講唔知，我同修哥又係未正式合作過，所以今次拍得好滿足。」其實除了兩位前輩外，克勤更特意邀請好兄弟梁榮忠作為今次的MV導演，忠仔更自爆：「我覺得克勤好大膽，因為我未試過拍MV，佢又敢揾我做導演唔怕爛尾。」
由《叻人新世紀》到《殘酷一叮》，克勤一直同梁榮忠合作無間，今次拍MV又點少得呢位好兄弟？