過去一個月，《香港01》曾透過8間社福機構轉介，接觸到50名前青少年犯人，他們在囚時間遍及90年代、00年代，以至近5年，在囚院所包括壁屋懲教所、沙咀懲教所、歌連臣角懲教所及喜靈洲戒毒所等。在各自不同的訪問中，他們都透露過去曾遭遇過「雞翼」、「芥蘭」、「快車」等皮肉之苦，亦受過「食狗飯」的侮辱，甚至曾目睹強迫飲尿、食屎、當眾自瀆，質疑是濫權虐待，不禁反問懲教署「入去係要懲罰，但唔係做左咩（大奸大惡），點解要承受咁多肉體懲罰？」面對連番指控，懲教署直指希望他們提供證據，以便調查，以正視聽，前線工會代表更直指從未見過有關虐待，坦言「將懲教人員塑造成濫權和暴力傾向，對於前輩、同事都不公平」。攝影：江智騫、李澤彤、鍾偉德、黃永俊、楊晴、盧翊銘、吳少峰
【虐囚】01專訪50少年犯：邵家臻批評懲教署自己人查自己人 【虐囚】「最難受是『金手指』，手指係肚臍轉半分鐘。」 阿輝（化名），2008年，勵志更生中心 【虐囚】「去廁所要舉手，但阿sir會同你講，你去就找板10下，唔去都要20下。」 大明（化名），2016年，壁屋懲教所 【虐囚】「有次係倉好肚餓，但原來食野要經過他們的『洗禮』，每人要捱10下『快車』先食得。」 達仔（化名），2010年，壁屋懲教所 【虐囚】「有次同人爭執，3個阿sir帶我去囚倉落閘，無閉路電視之下，問我發生咩事，佢地覺得我仲係不知悔改，跟住落雞翼20幾下。」 阿一（化名），2012年，壁屋懲教所 【虐囚】「果時心情好驚，每朝起身都會諗又要俾人打。」 阿武（化名），2016年，壁屋懲教所 【虐囚】「阿sir要我背講規矩的中文小冊子，我夾硬背，背唔到就畀人打……一日起碼打6次。」 Oero（化名，南亞裔），2013年，壁屋懲教所 【虐囚】「俾人打得最甘果次，體能操練時，俾人射龍門射左4下，我攤左係到。」 阿牛（化名），2006年，沙咀懲教所（時稱沙咀勞教中心） 【虐囚】「他們通常打人的地方會係職員廁所、囚倉無Set鏡頭的位置。」 阿斌（化名），2009年，壁屋懲教所、喜靈洲戒毒所 【虐囚】「佢地當你係玩具，佢返工的娛樂就係玩你地、打呀之類。」 阿恆（化名），2011年，喜靈洲戒毒所 【虐囚】「有次找板，我見個阿sir係唔想打，但無計，上司係到，迫住要打。」 阿信（化名），2015年，壁屋懲教所 【虐囚】「『發明』這些招數的人真是好厲害，佢地已經唔係衝動，係有計劃，點樣去逃脫責任。」 阿柏（化名），2003年，壁屋懲教所 【虐囚】「衰風化果啲犯人，平時快車係打腳板，佢地就打下體。」 樂仔（化名），2013年，壁屋懲教所 【虐囚】「有次磨鞋磨唔靚，要用口咬鞋，咬左兩個鐘。」 Tom（化名），2007年，壁屋懲教所 【虐囚】「夜晚有食粥時間，但全部都好熱，限時10秒要食晒，食唔晒原來會有後果，阿sir會叫『check嘜』，要兜頭淋。」 阿西（化名），2015年，壁屋懲教所 【虐囚】「阿sir會當住所有人，讀我地的信，尤其女朋友的信提及情慾對話。」 Joseph（化名），2013年，沙咀懲教所 【虐囚】「果時對侮辱都已經習以為常，刷鞋刷唔乾淨，要舔，地下有氈毛，又要舔。」 阿希（化名），2008年，沙咀懲教所（時稱沙咀勞教中心） 【虐囚】「見過阿sir叫佢（犯人）即刻飲，果啲係洗地的水，黑色的，我見到佢飲完係即刻跑去廁所嘔。」 鬼仔（化名），2010年，喜靈洲戒毒所 【虐囚】「阿sir試過請人食腳皮，飲蟑螂水……無話犯咩錯，睇阿sir心情，鍾意點就點，係裡面無得揀。」 阿大（化名），2014年，壁屋懲教所 【虐囚】「有職員要犯人同佢玩包剪揼，輸左要飲水，跟住個犯人差不多飲左一桶水，夜晚嘔白泡，要送去醫院。」 阿蛋（化名），2007年，沙咀懲教所 【虐囚】「見過有囚友忍唔到尿，但阿sir不畀去廁所，最後失禁，阿sir要他用毛巾索乾地下，然後扭毛巾落杯到，飲左佢。」 阿強（化名），2005年，沙咀懲教所（時稱沙咀勞教中心） 【虐囚】「見到有人要好似狗咁，係地下爬，阿sir仲踢佢屁股。」 肥康（化名），2003年，壁屋懲教所 【虐囚】「佢地（懲教人員）係攞啲犯人嚟發洩。」 阿明（化名），2013年，喜靈洲戒毒所 【虐囚】「懲教人員當懲罰係娛樂，好興奮……唔當犯人係人，係玩具。」 Ben（化名），2013年，勵志更生中心 【虐囚】「我覺得佢地大部分都心理變態，打人唔需要理由，心情唔好就打。」 W（化名），80年代，沙咀懲教所（時稱沙咀勞教中心） 【虐囚】「犯咗事，入去已經係懲罰，我們唔係做咗啲咩（大奸大惡），點解要我地承受咁多肉體懲罰？」 King（化名），2009年，壁屋懲教所 【虐囚】「見過有人可能受不住壓力而自殘，撼頭埋牆，用蚊香燒自己。」 金毛（化名），2007年，沙咀懲教所（時稱沙咀勞教中心） 【虐囚】「真係有諗過自殺，日日俾人打，後來諗我咁後生，死左好唔抵。」 世華（化名），2014年，歌連臣角懲教所 【虐囚】「有一刻諗過投訴，但投訴有無用呢？投訴一個幫你寫報告的人，你會唔會投訴佢呢？」 Jimmy（化名），2004年，壁屋懲教所 【虐囚】「投訴都有諗過，但唔會做……投訴可能會有更嚴厲對待。」 小明（化名），2010年，壁屋懲教所 【虐囚】「一般唔會投訴，只會更難捱……亦唔會想畀家人知。」 牛仔（化名），2000年，沙咀懲教所（時稱沙咀勞教中心） 【虐囚】「投訴制度完全唔掂……如果向申訴專員公署投訴的信，唔需要向懲教署攞信紙，而係向外界攞，咁就好啲。」 阿古（化名），2003年，壁屋懲教所 【虐囚】「你覺得要公義係裡面咪係Kai咯！」 飛鏢（化名），2011年，歌連臣角懲教所 【虐囚】「我覺得佢地（懲教人員）係想有威嚇性……呢到係『我主場』。」 阿狗（化名），90年代，歌連臣角懲教所 【虐囚】「佢地（(懲教人員）會縱容『黑手』（曾入獄的人）打『白手』（初次入獄的人）。」 阿B（化名），2004年，喜靈洲戒毒所 【虐囚】「當時如果可以越獄，我一定逃獄！」 文龍（化名），2011年，沙咀懲教所 【虐囚】「每次見到木板同有人打交，都會諗起畀人虐打過！」 阿貓（化名），2005年，歌連臣角懲教所 【虐囚】「我覺得懲教署對犯人唔應該係暴力、侮辱，錯咪用體能懲罰。」 光仔（化名），2009年，沙咀懲教所 【虐囚】「只有『懲』，無『教』……你心中有抑壓，出返社會只會搵其他人報復。」 振雄（化名），2009年，沙咀懲教所