油麻地「心靈食堂」被收舖周日結業　 店主嘆政府懶理小企業

香港物業租金持續上升，市區小店往往受「租魔」侵襲而無奈結業。位於油麻地新填地街、受不少油麻地年輕街坊及電影迷歡迎的小食店「肥波燒餅」，因業主原租舖位被加租，故收回舖位自用，燒餅店無奈在本周日（18日）結業。
對區外人來説，店舖的格局、裝潢並不突出、且欠光鮮，但卻令一班閒日到來「互訴心事」的街坊及店主，失去了一所「心靈食堂」。
店主肥波坦言，最不捨的不只一兩個熟客，「而家咁講起，係一批批喺度認識嘅熟客，但始終都係要放低啦！」

店主肥波原為日式食店工作，為一名鐵板燒師傅，她笑言小時候已經夢想可以開設一間屋村士多，為街坊供應公仔麵等輕食，與街坊談談天，前舖後居，「後來發現原來中式食肆難請女人，輾轉間去咗日本食店做，一做就做咗10幾年，所以都係開日式食店。」5年前終於得償所願，於新填地街開設一間小食店，主打加入港式元素的日本小食及燒餅，為實踐跟客人交流的目標，將廚房改為開放式，距離感減低，數年來認識不少好朋友，「而家就算啲人唔係食嘢，都專登落嚟打個招呼，有時養多隻貓狗都專登拎俾我見下，講起係有啲唔捨得嘅。」

五年來所發生的事說少也不少，肥波提到不只為品嚐便宜的街坊小食、燒餅，更有的是來説説心事，她坦言，每當只有她或丈夫一人看店，食客大慨會放下戒心，談談心𥚃鬱結，丈夫為剛與太太離婚的熟客訴心聲，自己為發「明星夢」的年輕人開解，最後她決心到演藝學院進修，一切事情她還記得起，「有時有啲嘢就係不知不覺想講出嚟，而家太少呢啲地方，我哋都係想咁做到。」久而久之，看來平凡的小食店，成為部分人的「心靈食堂」，肥波坦言，油尖旺區連鎖店臨立，這種店基本上買少見少，「業主已經平租咗俾我哋，其實係做唔住，所以無辦法！」

問到她為何不於區內另找舖位經營，她說日式小食的食材成本高，加上租金昂貴，內街亦最少花五萬元租金，根本追不上，3年前，她更重操故業到日式食店打工補貼開支，現時每月要貼逾萬元，為薪金的一半，有人會為她不值，但她説：「我唔係睇錢好重，當有人讚你啲嘢越嚟越好食，有人支持，而家又解決到問題，又做到自己想做嘅嘢，係有滿足感。」

「肥波燒餅」雖會將於本周日結業，但於一個月前已有私人機構洽商到位於屯門、將近開業的美食廣場重開新店，現已接近簽約階段，初步於今年內重開新店。肥波雖再度要為新店「撲水」煩惱，但也願意一試。問到她要如此辛勞堅持開店，政府一向大力支持中小企業，有何感受時，她指自己從未感受得到，「口講就話留，但有無做到行動就唔覺有，希望真係存在。

派6000蚊，綜援三糧只係一時，諗嘢係長遠啲好。」她明白香港為自由貿易社會，租金升跌市場控制，惟政府帶頭活化部份美食中心，協助一班業界者以平價租店不為好事，「有時連私人機構都願意做活化嘅嘢，政府都反而做唔到 ，我唔係想埋怨，但會覺得有不滿同哀傷。」

就讀中六的郭同學剛巧回校補課後到肥波吃午餐，經記者通知才得悉鋪頭將於周日結業，表現驚訝，慨嘆隨着自己畢業，經常來「打躉」的地方也消失。他又指，附近的茶餐廳大部份需花費約$50，這裏只需要30多元能夠填飽肚，又能與同學們一起打機聚會，固然充滿着回憶。另一位黃同學則說，相信是自己考DSE之前最後一次來吃午餐，感到可惜。