【Let's get wet】一落雨就出事 頌安天橋變水舞間

雨季來臨，大雨滂沱之時，打算找個地方避避雨都幾難。不少有蓋地方都出現漏水，像馬鞍山頌安商場對出一條有蓋行人天橋，日前在大雨下，天花如「水舞間」般不停漏水，行人猶如走入「水簾洞」，結果行人要撐傘過橋。區議員表示，漏水全因橋頂去水位積滿樹葉，知悉情況後已即時通知署方跟進。

「耐唔耐都會發生，清完又會積返，塞住啲去水位。」沙田區區議員葉榮指，該行人天橋漏水的問題時有發生，不時接獲街坊反映，估計天橋設計或有改善空間。日前他接獲同類投訴、通知路政署職員後，對方亦有派員到場即時處理，現時漏水問題暫獲解決。

「今年雨季嚟得早咗，路政署同事未做得切清理工作，已經落好大雨。」葉榮表示，雖然現時天橋恢復去水，但頂部的樹葉很快又會再次積聚，促相關部門要繼續加強清理。他又指，區內並非只有一條天橋出現漏水，屋邨內多個有蓋行人通道，間中亦會變成「水簾洞」，希望相關部門能加以關注。