「聽到呢首歌嘅時候一定就會令你知，我哋都唔係中國人，因為奇怪嘅口音。」操流俐的廣東話，暢速Rap廣東歌詞，兩名外國人早前拍MV，訴說自己對這城市的愛。影片一出，技驚港人，短短一星期就在社交平台上被瘋傳，大讚他們夠「本土」、「撐廣東話」。在鏡頭前「Rap爆」香港的兩名「鬼佬」，就是來自美國猶他州的艾正斌（斌仔）和田承忠（阿忠）。

「我鍾意踩單車，鍾意飲思樂冰。」斌仔面向鏡頭，介紹自己。聽到「思樂冰」，坐在旁邊的阿忠雀躍地說：「7-11！」雖然二人未必聽得懂太複雜的廣東話，有時也要用英語輔助表達意思，但他們全程仍用算流暢的廣東話和記者交談，相當「親切」。

組合名喚「The Gwai Lou Show」，開宗明義打着「鬼佬」旗號，但追本索義，「鬼佬」算不上有禮稱呼，甚至帶冒犯，但他俩卻說「冇問題」。「我哋自己改（名），唔介意，我自己覺得好搞笑。」斌仔說完，阿忠接着道： 「我哋知以前有唔好嘅意思，但我哋覺得冇問題。」

初試填詞越級挑戰

二人和香港結下不解之緣，要追溯到2007年參加教會義工活動：「例如大澳落大雨、黑雨，搞到水浸，我哋就幫手將人哋屋企啲泥清走。」斌仔和阿忠來港生活約兩年，亦認識了彼此。

2010年回到美國後，二人各有生活、要埋首學業，雖然曾說過要作一首關於香港的歌，卻一直未附諸實行：「之前只係講下笑，或者係一個夢想，但最後我哋都話不如真係做啦。我哋都唔後生，好老啦。」才30歲的阿忠這樣說。

喜愛Rapping的他們閒時也有創作，但真正填詞卻是第一次，初試牛刀便越級挑戰廣東歌詞。面對出名難填的廣東歌詞，不少香港人也「投晒降」，斌仔和阿忠亦坦言「好麻煩、好複雜」，但他們卻只用了一星期便完成製作，更拍了MV：「我哋嘅MV有Monica，佢係美國嚟，唔識講廣東話，我哋要教佢啲歌詞（發音）。」阿忠解釋着。

搭訕學廣東話

廣東話流俐到足以教同胞，皆因居港兩年間，二人積極學習。斌仔說，學習廣東話是因為這是香港的主要語言，而最直接的學習方法，就是四出「搭訕」，行街「搵人傾偈」！「行街、買餸，我哋都成日會用廣東話，聽到啲唔識嘅就會寫低，返屋企再學。」斌仔道。不過，「搭訕」也試過不小心嚇到人，阿忠笑着解釋：「因為我好高大，6呎5吋。」

「你識唔識屈機？如果喺香港，我打波嗰時會話畀佢哋聽：『我一定會屈你機！』」阿忠不只打波時說廣東話，令「波友」大吃一驚，更曾獲婆婆讚賞：「有婆婆話：『嘩！你咁叻仔，識講白話。』」

回美多年，二人直言少了很多說廣東話的機會：「我廣東話都退步咗少少。」雖然斌仔如此說，但二人的廣東話足以應付日常。

香港有咩好？「乜嘢都鍾意」

「香港好犀利，啲食物、香港人真係好特別，我哋好鍾意廣東話，乜嘢都鍾意。」阿忠說，但初來報到時，他不習慣和家鄉相反的潮濕天氣，而部分港人吃慣的食物，亦不對他們的口味。「我第一次買餸就（覺得）黐線，唔知買咩，因為乜都唔同，啲食物我都未見過，覺得好奇怪。」斌仔憶述，最後他買了一包即食麵。

雖然後來習慣了香港的買餸文化，但對雞腳、牛雜之類的小食，還是耍手擰頭。「我哋試過啦，覺得‧‧‧」斌仔思索了一陣子，繼續說「唔鍾意。對我哋美國人（嚟講）就好奇怪。」但這並未影響他們對香港的愛。

Daniel Wu靚仔，愛聽張敬軒

居港期間，少不免受香港的流行文化感染，斌仔直說自己愛聽GEM的歌，又大讚MC Jin歐陽靖「好犀利」。「Daniel Wu(吳彥祖) 真係好靚仔，係 Hong Kong super star。我住喺香港嘅時候有聽張敬軒嘅歌，例如酷愛。」怪不得「What Up HK」中有一句：「我都唔係靚仔，好似Daniel Wu。香港音樂？最好都係張敬軒。」說着，他更即興演唱了一段《酷愛》。「斌仔唱歌唱得好正喎。」準備音樂期間，阿忠開玩笑調侃斌仔道。聽他這樣說，斌仔謙稱： 「唔係，難聽。」

雖然暫未有來港打算，但二人還是透過仍居港的朋友，緊貼香港一動一靜。問到接下來的歌曲會關於甚麼，斌仔故作神秘地說：「係秘密。」看來要知道他們的新作題材，就要等他們稍後親自揭盅了。