消委會今早（15日）的報告指，測試10款共100個本地常見碟頭飯樣本，有一半鈉含量超越全日攝取量上限。《香港01》記者到上環查問上班一族，發現不少食客較少留意其飯餸的鈉含量，以「味道」作選擇為主，亦有茶餐廳老闆表示：「太淡無客鐘意食架！」

碟頭飯多種類較便宜　受食客歡迎

上午11時許，不少餐廳始有午市飯餐供應，上環孖沙茶餐廳有不少上班族光顧，食客多選擇炒河粉、炒飯、咖喱牛腩飯等高鈉食物。負責人梁先生表示，店內的快餐及常餐以客人常叫的飯餐為主，甚少考慮鈉的攝取量等問題，「下，無諗啦，太淡無客鐘意食呀！」他指顧客現時較多在意食物份量，女士們部分會提示要「少飯」，但「走汁」或配汁另以碗上的客人則較少。

等待外賣叉燒蛋飯飯盒的林先生聞言不少碟頭飯的鈉含量過高時，即以手機查閱。他直言每星期有五日會選擇進食碟頭飯，並以炒飯類最多，「其實好難唔食（碟頭飯），因為真係比較平同選擇多，你（記者）宜家同我講完，呢幾日會諗少汁啦，因為好多時啲食店係落太多豉油，我都會叫佢落少啲。」

女士傾向選擇低鈉食物

於附近上班的梁小姐表示，由於工作關係，每星期有一兩天選擇吃碟頭飯外賣，平日會以吃粉麵為主，認為可減低鈉攝取量，「有啲同事都會帶下飯嘅，你見我叫外賣揀粟米汁都已經係無咁咸㗎啦。其實好難避食到鈉嘅，腸仔嗰啲都有啦。（但會唔會叫走汁？）可以走到就走咗先囉，之後分開上按自己比較再加。」

在附近居住的梁婆婆則表示，平日多自己煮食，並以吃魚及菜為主，每周間中一兩日會選擇吃碟頭飯，「哎呀，我今日忙先食啫，我有留意㗎，已經揀枝竹斑腩飯。」

上班族陳先生表示，會選擇較就腳的快餐進食，他表示一星期有三天會選擇吃碟頭飯，問到咖哩汁飯亦有機會吸取較多鈉時，他説平均每兩星期只選擇一次，問到會否選擇低鈉食物時，他猶豫地説：「如果食過有啲餐廳煮太咸就唔再去囉，少汁又諗唔到喎，以味道為主，亦無諗要走汁，因為較鐘意有汁嘅飯餸。」