【五個小孩的校長2.0】六年無支薪　愛心幼稚園校長代家長交租

電影《五個小孩的校長》講述呂麗紅以4,500元低薪擔任元岡幼稚園校長，拯救只有五名學生的幼稚園，成為2015年最高票房港產片。
荃威幼稚園校長張如卉猶如呂麗紅2.0，雖然她經歷過的是業主一口氣加租八成，蝕到「一殼眼淚」，她六年沒支薪，還要落手落腳修理學校廁所，卻從沒怨言，遇到經濟陷困境的家長，她還是樂於延收學費、自掏銀包代交租。
從事幼兒教育，在張如卉眼中，是一條沒有迴轉的單行路，她必須硬着頭皮闖下去。

每朝8時許，張如卉站在荃威幼稚園門口，迎接上學的人兒。位於荃灣的荃威幼稚園，屬學券制非牟利幼稚園，租用8,000平方呎私人物業，業主不時易手又加租，最嚴峻要數2009年，業主一口氣將租金由10萬元上調至18萬元，增幅高達八成。

艱苦經營　校長6年沒支薪

「經營幼稚園無辦法停落嚟，一旦結業，會影響全部學生，佢哋突然間點搵學校呢？」張如卉本着一份堅持，身兼校長校監兩職，捱過2003年至2009年沒有支薪的日子，幸得開設計公司的丈夫全力支持，她不願透露多年來蝕了多少，只道是「一殼眼淚」，曾經一年間蝕了約70萬元。回憶往事，她不時哽咽。

我阿媽同我家姐講：『唔好借錢畀比佢再幫學校，如果係借錢買樓，你先好幫佢。』我阿媽過咗身喇，我覺得自己好對唔住屋企人……我同我老公講，我無得返轉頭嫁嘞，我唔想放棄，我唔捨得放手，因為呢份係我自細就想做嘅職業。

借錢給家長交租

丈夫勸過她放棄，但她執意要繼續，她感激丈夫與她一齊捱，二人落手落腳修理廁所、做水泥工作，「叫人嚟做又要幾百蚊。」慳得一蚊得一蚊，但面對有經濟困難的家庭，她樂於讓他們延遲交學費，曾經有一個南非裔家長因生意失敗陷困境，她不單免收其兒子學費，更代他交屋租，「可能因為我都窮過，細過住過木屋、安置區，知道喺困境中，好需要人幫。」

不少幼稚園想盡方法，避收特殊教育需要（SEN）學生，她卻照單全收，「有啲家長話個小朋友唔識講嘢，帶佢見咗10幾間幼稚園都無人收，咁我點可以唔收佢呢？」現時她安排協康會社工，定期到校輔導SEN學生，得知學童家長有爭拗，她會主動陪家長跑遍不同的機構，尋求社工支援，「因為我哋喺第一身接觸到嗰個家庭嘅機構。」

沙士停學　家長照交學費

支持她一直撐下去的，除了一班可愛的學童，還有一班家長。03年沙士期間，幼稚園停課，全部家長卻自動交足學費。學生人數由60人，增至現時160多人，收入隨之上升，租金卻每隔兩年拾級而上，由18萬升至20萬元，再上21萬元，然後到了現時23萬元，佔幼稚園每月一半開支。

她每次均用誠意打動業主，才令升幅維持低位，今次面對新業主，心情難免忐忑，不敢多透露，只道「最壞嘅時候都捱過咗，今次都一定會捱得過」，並爭取「進駐」該校對面的荃景圍街市，逃出加租的漩渦。

逾百家長聯署爭荃景圍街市地方

荃景圍街市有241個檔位，現租出45個檔位，空置率81%，被封為最「吉」食環署街市。食環署最新向荃灣區議會提交文件指經顧問檢討後，荃景圍街市仍在營運的攤檔，在繁忙時間每小時平均顧客不足1人，即最旺攤檔每天顧客少於10人，虛耗公共資源，因此決定關閉荃景圍街市。

溫太上月中與丈夫寫建議書，爭取讓荃威幼稚園搬入荃景圍街市。她的兒子就讀荃威幼稚園高班（K3），即將畢業升讀小一，但她替張校長擔心，所以在家長群組廣傳該建議書，結果一呼百應，現已集合到逾百家長聯署，並經立法會新界西議員陳恒鑌代為轉交教育局。

食環署回應，對街市未來用途持開放態度，考慮各可行方案及按照既定程序處理。教育局回覆，會探討方法提供更多優質政府幼稚園校舍，逐步增加半日制幼稚園免費學位，作為長遠策略，會在有新需求的新公共屋邨預留足夠土地作幼稚園校舍用途。