屯門青山稔灣堆填區昨晚（6日）發生奪命工業意外，一名40歲工人被倒車的垃圾車撞斃，遺下太太和兩名年幼兒子，但意外起因至今仍未清楚。妹妹哭訴死者胸口有車胎痕，「心口碎晒」，要求僱主不要「拖字訣」盡快交代，「個個都話唔知咩事，正常人點會响車底度……」妻子則指丈夫原定今日（1月7日）帶一家人到迪士尼遊玩，「笑點變成喊聲，小朋友不斷話去坐杯杯去坐馬馬，我唔知點同佢講，爸爸返工唔得閒，下次先同你哋去啦……」，說罷已泣不成聲，不能言語。警方將案件列為工業意外，勞工處亦已展開調查。

日做13小時　「佢好錫好錫我哋」

死者何潤添，40歲，與越南裔妻子育有2歲及4歲兒子，長子患有自閉症，何妻需全力照顧。何潤添一人獨力支撐家庭開支，入行十多年，負責操控堆填區的升降台，協助垃圾車傾倒廢料及「睇位」，連同加班每日工作約12至13小時，月入逾2萬元，是妻子口中的好丈夫好爸爸，「佢好錫好錫我哋，畀最好嘅嘢我哋」。何妻指要應付租金和照料長子，收入已捉襟見肘，沒甚積蓄，憂心殮葬費亦難以應付，感徬徨無助。

昨晚約8時半，何仍在稔灣堆填區工作，調度垃圾車及「睇位」，在一輛傾倒垃圾的垃圾車尾操控升降台時，疑被垃圾車倒車撞倒，倒臥垃圾車與升降台間，手胸重創昏迷，送院後不治。

妹妹斥資方不尊重

妹妹接到哥哥送院消息時，原以為只是輕傷，抵埗始知哥哥生命危在旦夕，而在場工友及負責人竟然全都不知道意外經過，希望資方盡快交代，「警察話佢成身血，心口有胎痕，（在場者）點會唔知，正常人點會响車底？」及後她要求路祭，但資方一直拖字訣不願理會，直至她「發晒爛渣」始獲安排。但路祭時四周車輛仍然不斷駛過，「點解少少時間都唔可以停一陣，畀個寧靜嘅環境我哋招魂？」

妻子亦感到徬徨無助，丈夫原答應帶全家到迪士尼遊玩，「笑聲變成喊聲，小朋友係咁話去坐杯杯坐馬馬，我都唔知點同佢哋講，只可以同佢哋講爸爸做嘢唔得閒，第日再去……」何妻至此泣不成聲。