開網店創造你的被動收入: 這不是一個賺錢的好方法嗎?

網購攻略
網購攻略
撰文:
最後更新日期:

在網上世界賺錢的方式五花百門。有人投身youtube拍片賺廣告費,再接job出席活動,仲有電影合作機會。有人中意開直播吸引觀眾打賞。唔想用個樣同用把口搵食當然都仲有唔少人會揀開網上商店賣東西。究竟點解要開一間網店?

為什麼?

講到開網店離不開幾點:實體鋪貴租,但店主想低成本營運,所以揀網上開店;產品市場面向年輕,會買我產品嘅客都係後生仔,多數識上網買野,所以揀開網上商店;小本生意請唔起人睇鋪,一開頭未諗住發大嚟搞,咁一定係揀上網開店先。所以,基於營運同成本嘅決定,開網店似乎係小生意開展的不二之選。

傳統打工賺錢模式 vs 投資賺取回報模式

打一份full time 的工作,就係用時間同身體去換錢:每個月賺得到人工同付出嘅時間都係固定,仲未計有機會超時工作;每日為升職拼搏,因為只有升職先可以令你直接增加收入,但升職嘅路從來都唔直接。

先幻想一下,開一間網店,你就係老闆。你可以選擇呢間鋪頭有咩可以賣,用咩海報或者橫額嚟做宣傳,連搵一個模特兒嚟表達你網店風格你都係全權負責,對好多人嚟講,創業係可以享受一種自由自在的感覺。你嘅產品有市場,價格合理,就可以吸引到顧客。你亦唔需要落力用口推銷你的產品,靠嘅只係你用一個lunch time 畫好嘅廣告。向好的方面思考,開店除左拎件貨去物流公司外,就真係坐喺度就收到錢。

開設網店需要投資的地方

投資,講黎講去都係錢同時間,咁開一間網店嘅錢通常會用喺邊度?

1. 起步:公司註冊(緊要)

2. 架構:使用第三方商店平店開設商店(Wordpress, Shopify, Shopline),每月收費

3. 採購貨品及倉存

4. 文宣:Facebook,Instagram或者google 的廣告

5. 形象:產品包裝袋,留下最佳印象予客戶

回報以訂單及口卑的方式出現

當網店越做越大,你就會透過分析工具睇到,你嘅網店每日人流去到一千。通常呢件事發生只會有兩個結果:

一,你嘅產品真係有人留意,宣傳手法同效果都好好,已經每日都有穩定訂單數,你需要做嘅只係令更多人睇到你嘅網站。

二,有好多人睇過你嘅網店,DAU(daily active users)有一千,但你一張單都close唔到。去到呢步好可能要調整下銷售策略同價格,可能係付款方式唔夠大眾化,或者產品本身並不吸引。一定要經意常使用唔同嘅分析工具,清楚知道鋪頭要改善進步嘅地方,咁先可以增加自己的被動收入。

阿強一份全職+開左一間網店,仲有時間玩Monster Hunter

阿強係觀塘返工,做Marketing,嗜好係收藏各大衣著潮牌。一年前開始經營網上生意,從instagram shop開始做起。由一星期一單去到而加每日五六單,達就發唔到,每日放工仲要去順豐寄件,lunch time拎嚟整一波又一波嘅宣傳物品,放假都係飛去日本入貨。阿強而加除左每個月多幾千至一萬蚊收入,我仲係佢身上體驗到一種不服輸的精神。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。