【愛情地圖】18歲足球場邂逅一見鍾情 嫁球員唔怕佢窮:要有夢想

撰文:
最後更新日期:

一處再普通的地方,亦因為人,而變得有意義。那地、那人、那一刻,每段愛情中,總有某處別具意義。是仍舊甜蜜,還是早已剩下回憶.....你還記得那處嗎?

「拍拖十年有呢個訪問開唔開心?」訪問開始不久,思駿問一臉茫然的Maron。這位被騙來訪問的女士,直到坐下前,一直以為又是某機構訪問她的「足球先生」,自己只是陪坐。「行騙成功」的人得意洋洋。

當年,Maron(右一)跟朋友(左一)在運動場跑步,思駿(右二)著活動助理(左二):「幫我搵肥少少嘅電話,我想追佢。」豈料盡責的助理真的根據兩人體重找電話,結果畀錯電話,害思駿表錯情。(受訪者提供)

十年前,他們相識於仁濟醫院董之英紀念中學的足球場上。

當時Maron只是陪朋友看比賽,對他的印象只是「對眼都幾水汪汪。」數日之後,同樣在那個足球場上,今次換是思駿注意到跑步中的Maron,主動出擊,電話表白。「諗返其實都算係一見鍾情。」

這麼一見,鍾情十年,今年同是他們結婚第五年。

女人最理想的另一半,很多人覺得是要有錢,又能照顧自己。然而現實是,香港當個足球員是相當坎坷。像思駿半途出家當全職球員,月薪比起由細到大踢港隊的低。「佢哋底薪可能萬萬聲,我先得六千,加埋獎金都可能先有一萬左右。」即便後來轉為全職教練,收入一樣不穩定,今個月教,下個月才出糧。Freelance的困難,不用多說。「每年我都會諗,應唔應放棄唔再踢波、教波,係因為覺得自己畀唔到足夠嘅嘢佢,錢真係一個問題嚟。」

【愛情地圖】赤鱲角機場 在最傷心處再起步 唔信邪翻撻花心男

【愛情地圖】 新娘潭A0遇上對的人 行山出冧招 初戀成丈夫

愛情因足球而起,即使每年都面臨同一問題,但只要找到願意與你同行的人,這又豈會是個問題。(黃寶瑩攝)

「每次諗完都係繼續,我哋因為踢波開始,我更加唔想放棄。所以我每個月都同佢(Maron)講:『我呢個月冇,可能下個月多萬幾蚊呢。』」阿Q得很。又或對於追夢的人,這些樂觀是必要,不然這故事早就說不下去。

這段因為足球開始的感情,不忘本的兩人,都不想因為愛情而放棄它。

「我覺得兩個人嘅依靠唔一定係物質上。」你說女人一定要找個照顧自己人的嗎?也許是的。「我成日會諗,當初佢啱啱入行踢波,得一、兩千收入都捱得過,點解依家唔可以?我哋使費又唔係多,寧願使少啲,我都唔想佢因為咁放棄足球。」照顧從不限金錢上,心靈上的安穩來得更重要。找個有錢人不難,找到心能依靠的才難。

這對是思駿要求一起穿的情侶鞋。(黃寶瑩攝)

【愛情地圖】太子柏樹街小cafe內女生大膽抄牌 緊張得忘記留名

【愛情地圖】尖沙咀碼頭船隊求婚 近百人助製大龍鳳感動簡單的她

「當年打算結婚時,好多姊妹都同我傾過呢個問題,覺得我做空姐呢行可以搵到好多好過佢嘅人,可以搵到個更加照顧到我嘅人。」常說做人要貼地,但找另一半,好像都是離地的好,越離地越有錢。Maron的姊妹團關心前途,也著眼於過去,Maron是他第17個女友,底有多花,可想而知。

「我同佢經歷好多,我夢想做空姐,佢夢想成為職業足球員,兩個都係追夢嘅人,一路以嚟我同佢都係互相理解又互相鼓勵。」於旁人眼中,好的結婚對象都要具備某些條件,於她,一路走來的經歷,就是最重要的條件。「另一個原因,係因為當年嘅2年承諾 。」

那年十八,於某個日落,思駿在烏溪沙的心型石旁向Maron承諾,兩年後仍無風無浪就跟她結婚。許下諾言的人與答應的人同樣守信。把看似是不成熟的誓言,變成真實的婚禮,只是時間推遲了一點。「結婚大半年後有小朋友, 當時佢轉變好大,真係由play boy變成好好先生,好貼心。」貼心是,與太太同行沙灘後,願意跪下來替她抹去雙腳的沙;貼心又是會陪她去所有產前檢查。

「應該係我攬住妳。」「唔係,應該係我攬住你。」結果是兩人拖手回看台。(黃寶瑩攝)

很多人說,愛情如賭博,勝出的話,將獲得一段幸福美滿的愛情;輸掉就只剩傷心與遺憾。最終是勝是輸,永遠不知。十年過去,此刻,他們仍是幸福的一對。

你也希望分享專屬你倆的地方嗎?請把「愛情點」及聯絡方法傳至hk01(請註明《愛情地圖》)

***

《女生》總在你身邊,請立即下載《香港01》App

 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。