【Ocamp獸父出沒？】做過組爸 經歷可以講一世
前幾日約了一班舊同學出來食飯，一班死老鬼除了講從前，仲有乜好講。一切由O Camp講起，席中出現「組爸」、「獸父」的次數，多到數唔晒。當然，當年無咁多「好玩」遊戲，但回想做組爸的日子，都幾過癮同過份。
過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。
過癮的是……
提起組爸，大家即時想起幾年前在網上瘋傳的豆腐爸爸，張WhatsApp圖實在太經典，太形容到做組爸的必經階段。
厚此薄彼，男女有別好正常，識覆組女，一定係覆千字文。覆組仔，一定是簡而精，以免引起不必要誤會。
同枱食飯的過期獸父都異口同聲話，去得O Camp當然要「抽水溝女」，組仔傻吓傻吓被玩得開心，我遠觀組女又睇得過癮，遇到對象尚可擇日出擊，何樂而不為。
【大學生Ocamp】玩City Hunt有乜錯？新生應該熱血 唔理世俗目光
過份的是……
其實O Camp裡有好多機會，你做搞手的，搵到目標人物，要抄牌，「借啲易」扮熟再接近，的確是易過借火的事。有意無意做多少少事，已好自然吸引到剛升上大學，一臉無助的小師妹。機會就係自己把握的，O Camp俾晒機會，睇你做唔做到野。
咁講到O Camp的踩界遊戲，當然要有味先好玩。一大班新相識的同學仔，坐埋一齊玩集體遊戲，既尷尬又曖昧。「毛毛蟲」當然要玩！最緊要是安排一男一女隔住咁組成人鏈，被靚女美腿夾住又可以揩油，何樂而不為？美其名要求團體合作精神，鬥快向前蠕動取勝，但過程中會接觸到許多敏感部位，男女混合咁玩，你懂的。有需要時，更可以話為了要增加遊戲氣氛，自己落埋場玩都得。至於那些「一生人一次」、「生命麵包」這仿如都市傳說的遊戲，玩到你就明。
但究竟是否天下組爸皆獸父呢？組爸有權力在手，小師妹又青春可人，大家都係男人，心照啦。大家又對組爸有乜睇法？有冇遇到好的組爸呢？留言話俾大家分享下，原來世上仲有好男人。
你都想成為開筆一份子，稿件可電郵至opener@hk01.com；文章純屬作者意見，不代表開罐立場。