城市大學學生宿舍處上月突向全校學生發放電郵，宣佈實行新保安政策，稱為打擊偷竊和保障學生安危，擬逐步於轄下11座宿舍的樓層走廊和交誼室安裝閉路電視（CCTV）。惟事前未有作公開諮詢惹來學生反對，有宿生形容校方以保安為由變相監控，成層「得返間房係無camera」，「一舉一動都畀人監視住咁」，擔心系統被濫用。

App用戶請按此開啟瀏覽器觀看短片

城大現已於業昕堂（Hall 2）試行有關保安措施，業昕堂宿生會會長林匯昇指，校方於6月已率先在舍堂5樓安裝CCTV，事後才向學生交代計劃。他說舍堂內鮮有偷竊事件，曾向校方詢問為何會選擇先在Hall 2試驗計劃，他引述校方的奇怪解釋，「佢話覺得我哋hall好創新、突破，好鐘意試唔同嘢」。他估計校方做法或與上月韓籍女生在城大宿舍墮樓事件有關，因事主家長曾要求校方提供CCTV錄像，「可能因為咁，校方更加firm（強硬）」。

林匯昇稱雖理解校方做法，但認為事故只屬個別事件，加裝CCTV長遠對舍堂生活影響大，「好似長期都有個人喺鏡頭後望住你嘅一舉一動」，多少對宿生造成無形心理壓力，「點都會唔自在」。他說雖然校方聲稱不會實時監控CCTV錄像，「話有事發生先會拎來睇，但我就唔係好信」。他反映，已有新生因Hall2已安裝CCTV而選擇申請其他舍堂，「某程度上係會令宿舍聲譽受損」。

香港城市大學學生會宿生會聯會主席譚凱峰指，宿生多於交誼室聚會和舉行活動，擔心加裝CCTV後會減低學生聯誼意欲，「你裝cctv，大家嘅生活就會喺房，因為得房無比人監視呀嘛」。他說舍堂管理一向依靠學生自律，校方突變家長式管治難免惹學生反感，「本身監視呢個做法就唔適用於成年人身上」，認為大學生應有自理能力。 對於有質疑指學生反對措施只因「身有屎」，譚指說法錯誤，「假定咗你唔鐘意畀人望就因為身有屎，呢啲人唔明白自由嘅可貴」。

城大日前回應香港獨立媒體查詢，稱嚴格遵照《個人資料（私隱）條例》的6項保障資料原則，包括CCTV只覆蓋樓層走廊範圍，確保不會影響學生私隱。發言人又稱已透過不同渠道向宿生解釋有關安排，會繼續聽取意見完善措施。