【靚仔大晒】你的樣子如何？ 研究：靚仔一生人多賺100萬
細細個朋友已經講「你的樣子如何，你的日子也必如何」，長大後的人生，或多或少也有這種體會。著名經濟學家Daniel Hamermesh，早已發明了「pulchronomics（美麗經濟學）」這個名詞，指出外表吸引的人，比普通樣貌的人，一生多賺23萬美元（約180萬港元）。
連登最近有網民開post指，「上到大學，先知道外表係幾咁重要」，內容指「生得靚，大把人同你fd」，人際關係提升，無論同組員傾project，或者拎考試貼士都有幫助直接影響成績。樓主最引人共嗚的一句是：
樣就好似電腦硬件咁， 口材就好似電腦軟件咁， 你硬件效能不足 ， 2017年仲用緊粒Pentium 4 cpu， 個樣好似未進化完成咁款， 然後迫自己夾硬run啲高級軟件 迫自己yo， 迫自己social， 最後只會疾機甚至死機柒爆收場。
言論引起一眾網民共鳴，紛紛表示，「大學就係咁現實架喇，你估真係有人睇你內在美，出到嚟社會咪一樣」。亦有人分享親身經歷：
「見到有啲樣麻麻既同學， 比人偷拍上group恥笑， 成班靚仔靚女細聲講大聲笑， 啲女仔仲扮哂野笑住講話， 「唔好咁衰啦你地」 但個表情已經話哂比人知， 其實佢好享受欣賞一啲比佢低級既人」。
1 俊男美女收入更高
其實有研究指出，外貌的確對升遷及人際有一定關係。耶魯大學經濟學家Daniel Hamermesh，曾出版一本《Beauty Pays：Why Attractive People Are More Successful》（相貌的溢價：為何俊美人士更成功）經收集數據後發現，外表吸引的人，比起平凡外表的人，可多賺3%至4%，高達23萬美元。
而一般外貌的人，比起外表毫不吸引的人，也可多賺14萬美元（約109萬港元）。
2 做錯事 處罰靚仔靚女更輕手
《Beauty Pays》書中更透露，在職場上犯下相同的過錯，主管對外表吸引的人，一般處罰都會更溫和。如果借貸的話，亦會更加容易。
3 身高越高 賺錢越多
美國《財富》雜誌，每年都會評選全美最大500家公司排行榜，
稱為Fortune 500。美國作家Malcolm Gladwell，曾對這些企業的CEO進行分析，發現他們平均身高差不多6尺，比美國人平均身高高約3吋。
身高對賺錢能力亦有差別，Gladwell亦曾引述統計，指出身高每多一吋，平均年薪就增加789美元（約6200港元）。加上，人們一談到「領袖」一詞時，腦海中想像出「高大威猛」的刻板印象，因此在職場上，生得高的人，會令人覺得他更有領導才能。
