外界總是對女校充滿幻想。男生可能覺得女校學生舉止優雅，會抱著書踏著小碎步在走廊奔跑，而女生就認定女校學生總是勾心鬥角。現實中的女校學生又是怎樣的人？

點擊「全螢幕」觀看影片：

1. 我的字典裡沒有「走光」

在女校即使有男教師，但對學生來說，「走光」一詞從來都不存在於字典中。中小學都一起讀女校的Shermaine和Rowenna表示，中學時坐姿總是腿張開，純粹因為夠舒服。

Rowenna指：「唔會斯文，個個都著打底褲，可能反而比較粗魯。」二人的初中校服是闊裙子，習慣了步伐粗魯，到高中換上窄身開叉裙，上樓梯時如果大步走，開叉位就很容易爆開。但Shermaine就從不介意：「校務處有針線可以修補，但我無用過，因為覺得個叉大啲先方便。」

2. 吵鬧才是常態

俗語有云「三個女人一個墟」，全校有近千個女生，嘈吵程度可想而知。Shermiane最懷念女校時代，可以不顧儀態大聲講話，連借衛生巾這類私密話題都可以毫不忌諱。

Rowenna指：「例如月經時會怕漏，就會叫後面嘅人幫你睇有無漏，而佢哋都好好會好認真幫你睇。」

3. TB的全盛時代

校內沒有男生，初中同學可能會迷戀年輕貌美的男老師，但慢慢長大，就會發覺學校其實是TB的天下。Rowenna就指母校都有不少TB，自己那屆就有6、7個。「都係風頭躉啊，因為學校無男仔，佢哋就算係靚仔，所以都會好出名。」

萬人迷當然就會有小粉絲，在二人的母校中，大部分TB都是校隊成員，運動健將自然更有魅力。Shermiane還記得，以前的小師妹見到TB師姐都會「心心眼」。「我哋會留到好夜睇佢哋比賽。就算唔係比賽，可能放學撞到就會偷影佢。喺學校撞到佢，就會喺心入面尖叫。」

4. 女生小機心能吃嗎？

常說「女大十八變」，女校女生變化就可能更大。Rowenna憶述當年上學不會介意外表，頭髪亂糟糟、滿臉青春痘都不怕，因為全校都是女生，大家都一樣。但入到大學，大家都注重打扮，自己就再也不敢披著亂髪出門上學。

當上大學生後，二人才發現自己「與別不同」。不同的是，自己比其他女生「麻甩」。Rowenna表示大學女同學會研究如何拍照時比較顯瘦，當時就覺得：「吓？做咩啊？因為我哋完全唔care呢啲。」

5. 人人都是怪力少女

中學全部都是女生，所有事情包括搬搬抬抬都靠自己，Rowenna參加話劇社時需要準備道具，曾有同學誇張得自己買木材製作桌子。因此上到大學，二人都不習慣其他女生事無大小都依靠男同學。

Rowenna認為讀男女校的女生比較小鳥依人。「好嗲好多事情都想男仔幫手。」有一次做小組報告，遇到數學問題，女同學就提出男生數學較好，應該由他們包辦數學部分。「我就覺得好似性別歧視，女仔都可以擅長數學，唔應該咁樣睇少自己。」

6. 獨立自主常被當兄弟

Shermaine表示在大學被當男人有男同學直指「怕咩啫你男人嚟嘅」，那時候受到文化衝擊，「所以我有一排就好自覺。不過算啦，我就係咁。」「男仔都鐘意幫弱小女生，好需要人幫嗰啲，就會覺得我們太man唔使幫，當我哋係兄弟。」

自豪是女校學生

Rowenna表示：「其實好難改，你唔會改到自己係女校生嘅特質。例如你明明可以拎得起呢樣嘢，但突然就扮無力，要人幫，做唔出呢啲嘢。」但二人就不後悔自己是女校出身，反而認為讀女校，才更明白不需要事事都靠男生，更勇於跳出社會傳統的角色定型。

潛移默化會覺得，女生唔一定比男生弱。

我哋嘅能力同男仔一樣，而且做事好獨立。

更多大學生故事：

【南亞裔大學生日常】跨文化兄弟是怎樣煉成的？

【A0也是罪？大學生剖白「單身狗」悲歌】

【10個男人9個滾？大學生為何會召妓？】