戲院優惠|4大院線劈價 MCL$60/英皇半價 附上畫電影推介

撰文:羅諾賢
出版:更新:

戲院重開已一個月有多,防疫措施繼續做,優惠都繼續做!四大院線包括UA Cinemas、英皇戲院、百老匯院線以及MCL Cinemas都有推出新優惠,讓大家用超抵價睇戲!

【1】MCL Cinemas 學生價低至40元

即日起,MCL全線戲院成人正價2D戲飛減價至60元,星期一至日都可以使用這個優惠,就連新開張的數碼港MCL分店都可享用。想再平啲?早場及午夜場最新價錢為50元,如果有學生證,全部場次都可以40元學生價購入戲飛!

不過以上優惠就不適用於長沙灣MCL,因為本身長沙灣MCL的戲飛售價已經是45元,比起現時的優惠更平!

【2】UA Cinemas 最平35元睇2D正價場

即日起,全線UA戲院成人正價戲飛劃一售70元!如果之前已經加入成為UA會員,更可同時使用UA FAN FEST的「6月份買一送一優惠」,除返開35元就能夠睇2D正價場!這次的優惠不管是親身到戲院買飛、網站購票、UA手機App或自助售票機都可以使用。

所有正價2D場次戲飛都可以70元購入。不過如果想用埋買一送一優惠,就要留意返,所有「UA Films Showreel」場次、《數碼暴龍 Last Evolution 絆》、《我的英雄學院》「新世紀特典場」、《美國隊長 3:英雄內戰》的場次都不能使用會員優惠。

【3】英皇院線 全線戲飛、小食半價

英皇院線5月推出所有場次正價戲飛一律半價,Facebook專頁就指,因為反應熱烈,所以延長優惠!除了戲飛、餐飲小食、電影禮券以及會籍都有半價,連特別院線貴賓影院the CORONET以及IMAX都有份!

(英皇戲院Facebook專頁)

疫情關係,所有客人入場時需接受體溫量度,而且於戲院範圍必須佩戴口罩,所以英皇戲院建議大家購入半價小食後應帶回家進食。

【4】百老匯院線 會員半價買戲飛

由即日起至2020年7月31日,bcinephile會員及MOViE MOViE會員均可享百老匯院線半價購票優惠!不過早場、星期二優惠場本身就是半價,所以就不包含在這次的優惠之內了。

鑽石型售票。(百老匯網頁截圖)

疫情關係,去百老匯院線看電影時,必須要戴上口罩,而且進入戲院時需要量體溫,體溫超過37.5度的話就不能進場。而且現時戲院售票會以「鑽石型」發售,兩人為一組,前後左右的位置都會留空。

👇👇👇點擊睇如何成為會員👇👇👇

四大院線劈價,雖然因為疫情,暫時無得邊睇戲邊食爆谷,但既然票價咁抵,不如看看有甚麼戲值得入場一看!

👇👇👇點擊睇新戲推介👇👇👇

+11

👇👇👇點擊睇6月18日至30日有咩其他新戲上畫👇👇👇

+3