炎明熹撐姜皓文現身首映 「黑爸」開聲即到︰呢個係必須
撰文:許育民
出版:更新:
歌手炎明熹(Gigi)因合約問題,一直有傳被TVB雪藏,甚少公開露面。今日(4/2)由姜皓文監製及主演的賀歲片《哈哈哈新年喜戲》舉行首映,由於黑哥曾經在電視劇《青春本我》飾演爸爸,做女兒的當然要鼎力支持,雖然未有出席儀式及接受訪問,但有到戲院打卡及跟「黑爸」合照。
炎明熹事後表示可以出席首映非常開心,場面亦十分熱鬧,她亦不忘跟大家拜年大「希望大家身體健康,新年快樂,祝黑爸票房大賣。今次是我第一次睇賀歲片,希望一陣入到去好好地享受。」問到是否「黑爸」開聲便立即到場支持?炎明熹︰「無錯,呢個係必須!」足見Gigi非常尊重前輩。