鄧兆尊爆某女星被6富豪包養意外懷孕 吳家樂現身首映披露細節

撰文:許育民
出版:更新:

吳家樂與鄧兆尊早前在主持的YouTube節目上大爆料,聲稱有位風流女星在富豪圈四出結識朋友,最終獲6位富豪包養,但一次意外懷孕,但冇人肯認頭做爸爸。當日鄧兆尊向觀眾講出8大線索,掀起網民瘋狂猜測。今日(4/2)吳家樂支持姜皓文主演的賀歲片《哈哈哈新年喜戲》,出席首映時接受訪問,被問到知否當事人是誰,他坦言冇細問。

吳家樂與袁偉豪,一齊出席首映支持姜皓文。(葉志明 攝)
吳家樂指當鄧兆尊講到女星的姓氏時,立即煞停他︰「驚影響到人家庭屋企,人哋仲喺呢行生活緊。」(影片截圖)

吳家樂對於女星屬誰,坦言自己都不太清楚︰「我自己口疏,所以冇問係邊個,你知幾多我知幾多。」他又指當鄧兆尊講到姓氏時,立即煞停他︰「驚影響到人家庭屋企,人哋仲喺呢行生活緊。」又指自己個節目出發點是娛樂觀眾,不想靠是非炒作踩住人上位,但他不介意觀眾繼續估落去,但做節目時就要點到即止。

問到在節目中跟王賢誌劃清界線,吳家樂表示冤枉。(葉志明 攝)

此外,早前王賢誌申請破產,而宣布當日吳家樂更被指在節目中抨擊這位舊拍檔,又說他以「示愛事件」炒作新聞宣傳自己節目,今日吳家樂聽到記者提問立即高呼冤枉︰「冤枉呀!咁啱我哋做直播前兩個鐘新聞出咗嚟,只係網民講到我哋拍過拖,要我回應。」對於王賢誌申請破產,吳家樂坦言跟對方沒有聯絡,並祝福他早日捱過寒冬。