【空手道】劇照師小雲操刀田蕊妮新專輯相 ︰佢好放心交俾我去影

撰文:
最後更新日期:

視后田蕊妮(阿田)早前通過個人Instagram公開一張照片,為她的第二張Hi-Fi專輯宣傳,睇相已知阿田今次好大突破,惟一推出即被網民話似樂壇天后容祖兒2009年舉辦的StarLight演唱會海報,不過她指全個唱片封套都是由自己構思,近日阿田再有突破,公開一組「全裸照片」,只用手、腳和黑布遮住重要部位,大曬長腿!

阿田全裸上陣,認真勁大突破!(網上圖片)

40歲的禮物
阿田早前主持《女人四十》大受歡迎,她自己也有提及:「40歲有好強烈的感覺,人需要年月去累積智慧同經驗,身上亦有多層盔甲,所以40歲後好想打破他們,用最真實的自己面對所有事。」由此出現了多張阿田的大突破照片!

阿田講到今次為她拍攝的攝影師,正是為《空手道》影劇照和海報的攝影師小雲,更是老公杜汶澤大力推薦的人選,兩人同是女生又熟絡,最主要的是阿田十分信任小雲,令到拍攝時氣氛舒服,阿田更自爆期間沒有做安全措施!

阿田今次專輯相就由《空手道》劇照攝影師小雲操刀。(網上圖片)

今日《香港01》記者問及小雲有關拍攝海報的事時,她表示:「其實成個構思都係杜太諗嘅,佢大概同我講咗想要啲咩,我再去諗燈光等等嘅嘢,其實佢同我講呢件事嘅時候,話好想喺40歲送一份好好嘅禮物俾自己,同時都係一個記錄,始終係40歲有一個咁嘅身型真係好唔簡單,當然知道佢好努力操Fit自己,金粉呢個部份都係佢同化妝師諗出嚟,當時都好快就夾好整個造型。」

小雲指見到阿田完美的身型後,完全無擔心過任何後製工作。(網上圖片)

要跟不同單位合作
由於小雲上次擔任《空手道》攝影師,當問到她拍攝專輯跟同劇照有何分別時,她回應:「最大唔同係影專輯要同一時間同髮型師、化妝師同埋設計師等等配合,而主要部分都係在於要知道隻碟要用幾多相,全部相都係要用成個身體部份,定係會將焦點放係身體上嘅線條等等,譬如會出7至8張相嘅話,但無可能全部都好一樣,都要放唔同嘅位置出嚟。」

小雲表示化妝當日足足花了4小時,阿田就企足成個過過程,所以只希望大家合力快手以最短時間完成。(網上圖片)

行出嚟已經係我哋最想要嘅嘢
眾人皆知阿田係視后級人馬,不過問到小雲在拍攝時有沒有特別給予一些指令或是要求時,她大讚阿田有自信:「其實無點俾指引,因為佢行出嚟成個身體、成個自信已經係我哋最想要嘅嘢,而且現場只係得女仔,我哋都熟,大家有講有笑,主要幫佢睇有無走光位。雖然當日化妝化咗成4個鐘,中間又要貼啲貼紙去佢個身到,中間嘅時間大家都好忙,只希望儘快完成個妝,加上大家相處得好好,完全無尷尬。大家都集中喺點擺個甫士可以就到顯出最靚線條,身上嘅金粉點樣可以食到啲光顯出最靚部份。」

小雲除了大讚阿田自信爆棚之外,對她的身型同樣讚不絕口:「佢身型最正係在於,攝影師見到一個咁完全準備好晒嘅身型一定係最開心,因為已經係一個最完美嘅狀態,唔需要喺後製到擔心太多,完全唔驚嗰啲『會唔會影到好肥』,因為我哋喺拍攝期間發覺如果再執有機會變得太誇張,好似條腰再執就會變咗廿吋腰,就好似好唔合理咁,根本喺後製時係無執過阿田嘅身型。」

小雲表示今次合作是大家的心血,希望大家喜歡。

+4
+3
+2

《空手道》劇照

+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。