天線得得B｜第一代太陽BB原來已經27歲　近照曝光震驚網民

英國幼兒節目《天線得得B》（Teletubbies）自1997年面世後大受歡迎，曾被翻譯成45種語言、在113個國家及地區播出，除了四隻天線得得B主角外，相信觀眾對每集定時定候都會出現的太陽BB印象深刻，而這位BB演員不知不覺已經27歲，近照震驚不少網民。

飾演第一代太陽BB的是Jess Smith，一對藍眼睛令人留下深刻印象，每集都會出現的招牌笑容成為觀眾的集體回憶。轉眼間Jess Smith已經27歲，現已大學畢業，於保安公司任職行政人員。乍看未必認得出照片中人是太陽BB，但望落就會發現Jess Smith的藍眼睛從小到大都冇變過。

對於當年的演出過程，Jess Smith受訪表示全無印象：「聽講佢哋擺低我對住塊鏡，我就自己喺度笑，爸爸喺地下玩車仔引我注意，我諗拍咗半日左右，有唔同鏡頭同角度」。

Jess Smith於1997年至2001年間飾演太陽BB，被選中的過程相當偶然，當時她剛出世還在留院，剛巧《天線得得B》的製作人到醫院尋找太陽BB的合適人選，最終選上了她。