周星馳3月初曾於Instagram分享一邊飲紅酒，一邊聽周杰倫歌曲的照片，並Tag對方說「香港見」。近日周杰倫來港舉行演唱會，星爺果然有跟他見面，今日（11日）仲大晒合照。

相中星爺與周杰倫身處於酒窖，齊齊Chok晒樣擺甫士，但都不及星爺手持的巨型酒瓶搶眼，這一支6升裝的白酒，為1993年生產的Montrachet Domaine de la Romanée-Conti，每年限量生產3000支，被喻為「白酒之王」，價值當然不菲，普通750毫升叫價10萬港元以上，不同年份的差價頗大，而星爺手上的6升裝更加去到天價，據蘇富比拍賣網站顯示，一支過百萬港元屬基本，難怪星爺都要攞出嚟晒命。

同一時間周杰倫亦上載跟星爺合照，二人手上各持傳奇釀酒師Henri Jayer的Vosne-Romanée Cros Parantoux 1993年及1996年紅酒，叫價要10元以上。去年11月佳士得拍賣會，曾拍賣「劉鑾雄顯赫佳釀珍藏第二部份」，當中就包括星爺與周杰倫手上這兩支，未知是否為大劉得珍藏呢？