黎彼得抵死演繹劏房大王 幾句對白成功令業主劈價100萬？
撰文：許育民
出版：更新：
YouTube頻道BBO Black Box Office，9月份上架的全新短片叫《關於我在香港賣樓的那件事》，故事講一個年輕人終於成功上車，但受到加息壓力，入不敷支被逼放盤，點知遇著個由黎彼得飾演的劏房大王，表情貼心友善，其實咄咄逼人，幾句說話成功令業主劈價100萬？
以為身邊是黎彼得個女，原來係Honey。（影片截圖）
戲中劉展翹（Jackie Lau）飾演成功上車的年輕人，原本以為一圓上車夢，點知遇著加息潮，供款倍升，仲搞到同男友有拗撬，於是決定放棄，找經紀朋友東方昇放盤。層樓原定放600萬，遇正劏房大王，原本諗住職業買家，可以更快成事，殊不知對方先係高手。
黎彼得活演一代老屎忽口吻。（影片截圖）
仲成功游說對方平賣層樓。（影片截圖）
黎彼得飾演的劏房大王，可謂入型入格，一副人生勝利組老屎忽口吻，開來便表明來意想將單位間成劏房出租。雖然扮到咩都無所謂，仲叫女朋友落樓買幾碗麵一齊食，慢慢傾，但其實深謀遠慮，言語間不斷衝擊Jackie底線，觸動其淚腺，最後更提出500萬賣層樓畀我，我劏完再用3000蚊租番畀對方住，而對方竟然心郁郁想落實？到底黎彼得講咗啲咩都勁，可以慳番100萬？大家click入去睇睇就知。