里安納度狄卡比奧被女友當眾揸屁股　網民爆笑回應︰唔敢聞隻手指

荷里活巨星里安納度狄卡比奧（Leonardo DiCaprio）與新歡Vittoria Ceretti打得火熱，日前二人結伴於洛杉磯出席萬聖節派對，被狗仔隊拍下震撼一幕，兩人在室外緊抱放閃，期間女方竟然伸手入男方的內褲內揸屁股，就算面對鏡頭都冇即刻縮手，以行動證明有幾「打得火熱」！

點擊睇里安納度被女友公然揸屁股

這些照片曝光後，立即引起網民熱烈討論，當中一些回應相當啜核，例如：「唔敢聞隻手指」、「搵銀包咋嘛？」、「唔係揸，係抆（屎），通常幫老人家做嘅」、「似換尿片多啲」。不少人指出里安納度與女友在公眾地方行為不檢，不單有失身份，直頭教壞細路，仲話里安納度年近半百，好應該修心養性，停止夜蒲爛玩生活。