《釀魂》票房破千萬 袁澧林首回應不出Po事件︰我都覺得應該係我
由盧瀚霆(Anson Lo)、姜大衛(John哥)、陳紫萱、朱栢康、吳肇軒主演,黃永峯(Charlie)監製,新晉導演岑嘉彥首部執導電影《釀魂》,自8月24日上映以來,兩個月來票房剛好大破1000萬大關,創下Anson Lo個人的最佳成績。而早前監製Charlie更發文力斥,有演員未有出Po幫助宣傳,大家推斷所指的就是袁澧林(Angela),而她昨日出席活動時就對事件作出回應。
釀魂|上畫兩個月票房破千萬 Anson Lo答謝神徒︰為部戲仆心仆命
當時電影《釀魂》上畫到9月,票房達600萬,監製黃永峯就在社交平台發文感謝團隊的付出時,但就特別表示對其中一位主演,從未有出Po宣傳感到失望:「其實忙我明嘅……但有份主演連一個post都唔出我自問失望……」而從監製標註的演員名單中獨欠袁澧林,故大家都相信他所指的正是Angela。
袁澧林在《釀魂》裡,飾演Anson Lo身故女朋友,在電影預告中鏡頭不多,相比其他女演員的戲份較少,而袁澧林的確未有出席《釀魂》首映,在個人社交平台亦沒有發放有關《釀魂》的資訊或相片。對於有關投訴,Angela一直未有作出回應,直至昨晚(31/10)出席公開活動才首次回應。
釀魂|監製再發功鬧某演員後刪文 「您將來有幾紅我都唔會尊重」
問到監製所指的會否覺得是指自己,袁澧林就笑著回應︰「我都覺得應該係我嘅,呢個係一個小小誤會,當時有傳媒話我缺席首映係因為去咗台灣帶隊打排球,其實唔係,我係去咗當地的Sundance電影節,當地傳媒都有報道。其實只要時間許可,我一定配合所有宣傳活動。」
Angela亦覺得事件已告一段落,Charlie之後都有在帖文上重新Tag自己,「我都有Repost番。」雖然自己未有就事件親自跟監製聯絡,但經理人就有代為了解。至於問到對監製當日的說話會否感到意外?袁澧林︰「又冇嚇一跳,但我都好理解嘅。」