金手指｜劉德華親自化老妝 成品竟然神還原30年前「雷老虎」
撰文：許育民
出版：更新：
電影《金手指》開畫以來叫好叫座，上畫未及兩星期，票房亦已直逼＄3,000萬，走勢凌厲。戲中劉德華飾演的廉政調查專員，由40幾演到60歲，最後更要以老妝示人。日前電影公司發佈了劉德華化老妝的製作過程，原來華仔全程都有親自出手，而最終成品竟然神還原咗1991上畫《雷洛傳II父子情仇》的造型。
劉德華與梁朝偉，由戲中要由40多歲演到60。（《金手指》劇照）
從製作花絮片段可見，華仔全程都落手落腳，為這個老妝「整色整水」，要親自用銀色筆上色，令自己的頭髮有斑白效果，而且又梳又吹，個個程序都親力親為，可見他要求相當高。
華仔手執銀色筆，逐一塗上。（影片截圖）
對於額尖這一執，尤其執著。（影片截圖）
+1
有趣是出來的效果，反而有點似1991年上畫，劉德華主演的《雷洛傳II父子情仇》，當時30歲的劉德華要化老妝演老版雷洛，更飾演郭富城的爸爸，效果神似。斷想不到，30多年後的今日，劉德華依然凍齡，演老妝仍要靠化妝之餘，出來效果都同當日的「Lok Gor」一樣，一樣凍齡。
老妝完成。（影片截圖）
戴埋眼鏡，又添幾分老氣。（《金手指》劇照）
睇番當日的劉德華，都有幾分相似。（《雷洛傳II父子情仇》影片截圖）