林嘉欣不介意與前夫再合作 囡囡大讚《盜月者》：好睇過你哋嗰部
撰文：許育民
出版：更新：
《第四十八香港國際電影節》今日（8/3）舉行記者會，林嘉欣以電影節大使及火鳥大獎評審身份出席。今次亦是電影節多年後再次由女演員擔任大使，頗具意義。
林嘉欣今年擔任香港國際電影節大使及火鳥大獎其中一位評審。（梁碧玲 攝）
今年焦點影人是陳果導演，他同是火鳥大獎評審，嘉欣指與陳果認識多年，可惜一定未有機會演出他的作品，今次以另一種形式合作。記者提議她日後可以自薦，嘉欣即笑道：「即係《三夫》續集？我驚冇人想睇呀⋯⋯哈哈⋯冇票房添，唔好累佢。不過我都想同大家講我係仲拍緊電影，我冇轉行做陶瓷。」
林嘉欣今日穿上6吋高踭鞋出席，每步都行得小心翼翼。（梁碧玲 攝）
今年賀歲檔，前夫袁劍偉的《盜月者》叫好叫座，嘉欣亦表示收到4張換票證，可惜自己未有時間欣賞，但兩個囡囡已立即入埸：「佢哋話好睇呀！好睇過你哋之前嗰部，我啲女係好坦白。」
至於將來會否有機會再跟袁導合作？林嘉欣：「如果佢想我都好open，我都係演員，不過我哋都合作過兩部電影，作為導演應該跟多啲人合作，我太熟悉佢，好容易畀到佢想要嘅嘢，未必係好事，應該要畀啲衝擊佢。」
林嘉欣一直未有機會與陳果合作，笑言可拍《三夫》續集。（梁碧玲 攝）