[偶像練習生。訪問]MC Jin好搞笑:GOT7王嘉爾細細個聽我講hip hop

由一眾韓星主持的內地選秀節目《偶像練習生》已經播到第3集，講到一眾練習生要喺3日之內學識唱跳主題曲《Ei Ei》，不過表現欠佳嘅練習生就令到一眾導師：EXO張藝興Lay、GOT7王嘉爾Jackson、PRISTIN周潔瓊Pinky同李榮浩發晒火！王嘉爾仲話：「宜家唔係講笑，呢個機會係你嘅命，你唔可以拎你條命嚟開玩笑！」然後仲親手送咗個「F」畀自己朋友秦奮，就連李榮浩都話只要（練習生）肯開聲唱歌我就可以畀D佢。如果呢班《偶像練習生》咁參差，導師們又可以點幫佢哋改造佢成為一流偶像呢？

近日喺香港出席活動嘅MC Jin歐陽靖就接受咗《香港01》韓迷頻道訪問，講返有關《偶像練習生》同跟其他導師嘅事。當中GOT7王嘉爾Jackson同MC Jin歐陽靖都係rapper，MC Jin對王嘉爾初印象係覺得呢個人好過癮！喺拍《偶像練習生》時，Jackson仲同歐陽靖講，其實大概十幾歲時喺籃球埸見過MC Jin，嗰時歐陽靖仲講緊有關hip hop嘅嘢，而王嘉爾就聽得好投入，仲將當時MC Jin所講嘅嘢都放喺心上！

之不過，MC Jin就好搞笑咁話歐陽自己冇晒印象喇！但歐陽靖再補充：「每一次做一啲事，你計算唔到邊個聽緊，唔係特別要人睇住你去做一樣嘢。」MC Jin話當王嘉爾同自己分享返呢件事時，就會覺得係一件開心事，又大讚Jackson將自己當年分享嘅組驗真係放喺心上，多年之後仲可以以導師身份去接觸大家真係好開心！

其實睇返《偶像練習生》，雖然GOT7王嘉爾同MC Jin做評審時都好認真，但當拍攝去到一定時間大家都攰嗰陣，Jackson同歐陽靖都會炒熱現場氣氛，為練習生打氣！喺《偶像練習生》第1集時又有同蔡徐坤講笑話想要佢件黑色魚網衫，當知道件衫原來係蔡徐坤粉絲送嘅時候，又叫佢叫粉絲送多2件畀王嘉爾同MC Jin兩人真係集嚴師、暖男於一身啊！

韓國法案禁抄襲　Jackson王嘉爾Lay張藝興@EXO嘅偶像練習生點算？

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/