Super Junior始源今日襲港 馮盈盈無緣見面:可唔可以影張相畀我

撰文:
最後更新日期:

TVB處境劇《愛.回家之開心速遞》以「Super Senior」開演唱會作為題材,當中的對話相信都令ELF們十分有共鳴!(網上圖片)

TVB處境劇《愛.回家之開心速遞》幾乎是「電視汁撈飯」之選,大小姐、送水輝、熊若水、博士、根叔等人的名字都深入民心!前日(12日)播出的「黃牛之亂」一集中,竟然跟K-pop拉上關係,威龍百貨竟然請來韓國人氣組合「Super Senior」開演唱會,雖然內部員工都可以參加,但就要在收工後通宵排隊買飛,相信ELF(Super Junior粉絲)睇到這一集一定好感動、好開心都好有同感,就如呂慧儀當中所說:「Come on!我哋只要可以見到oppa,通宵排隊,瞓下街小小犧牲算得係啲咩?」

馮盈盈睇完《愛.回家之開心速遞》都話要多謝TVB同開心速遞。(網上圖片)

《愛.回家之開心速遞》入面有關演唱會的對白,對於有通宵排隊買門票的粉絲們都一定相當熟悉,例如接力排隊交更、計算排隊位置是否能買到飛、不可幫人排隊和用物品霸佔位置等等,劇中有規定離隊五分鐘位置都會作廢,所以呂慧儀就提議漫漫長夜不如看oppa的MV過日晨。今集《愛.回家之開心速遞》吸引不少ELF留意,就連香港小姐馮盈盈都在個人Instagram Story上表示「ELF表示今集睇得好開心」,又加上「Thankyou」、「開心速遞」、「Super Junior」和Super Junior官方應援顏色「Sapphir Blue」(寶石藍)等Hashtag,大讚好有共鳴!

Super Junior小分隊D&E的銀赫和東海曾經出演《馬家過聖誕》已經令ELF十分激動!(網上圖片)

《愛.回家之開心速遞》中,從「Super Senior」和呂慧儀等人,身穿的寶石藍會員外套就會知道,「Super Senior」影射的正正是韓國人氣組合Super Junior,而且Super Junior的名字或是代名都不是第一次「出現」在TVB的劇集中,今年年頭播出的《馬家過聖誕》更請來Super Juniorn小分隊D&E的銀赫和東海出演,令一眾ELF都乖乖坐在電視機前「死守直播」!

+19
+18
+17

馮盈盈自稱當時日日夜夜都在屋企看Super Junior的MV、綜藝和戲劇等等,還要特意買Cable線連接在電視跟全家人一起看。(網上圖片)

看過《愛.回家之開心速遞》的「黃牛之亂」後,馮盈盈接受《香港01》訪問時指:「其實我本身係Super Junior Fans ELF嘅其中一員,所以前日見到愛回家講有關Super Junior都好激動,我由2012年考完DSE開始鍾意佢哋,因為考完DSE之後好得閒又未入大學,經好朋友介紹下認識,開始聽歌、睇戲、MV之後就愛上咗Super Junior。我最鍾意圭賢,為咗佢仲做過好多好瘋狂嘅事,例如因為太想睇同Super Junior有關嘅影片,我特登買咗條cable線可以將Iphone同Ipad駁落電視到,逼全家日日夜夜陪我睇;喺Daddy架車到就唔播Daddy嘅CD,淨係播Super Junior嘅歌,逼屋企人跟我一齊聽;又會同朋友一齊去Super Junior嘅活動,買CD。不過要數最瘋狂應該係考完DSE後,帶住媽咪同細佬去日本旅行,但其實成個旅行係為咗睇Super Junior,當時仲係喺東京小巨蛋舉辦嘅演唱會,為咗可以買到飛,特登早兩個月託人搵日本朋友用日本地址加入Super Junior日本Fans Club,先可以用日本Fans Club成員資格抽演唱會飛咋!仲要抽中之後我嗰Friend竟然甩底唔去,搞到我凸咗張飛,為咗唔好嘥咗張飛,同埋演唱會上面吉咗個位,我又喺Twitter上搵咗好耐終於搵到個沙地阿拉伯女仔買咗張飛,最終我哋兩個就一齊睇足全場,仲非常high添!」

馮盈盈第一次同屋企人去日本旅行就是為了看Super Junior。(網上圖片)

另外不少ELF都知道Super Junior成員都有開設個人Coffee shop,成員們的家人都會不時出現,ELF只是見到Super Junior都會非常高奮,馮盈盈表示自己在日本等巴士去機場回港時,竟然幸運地碰到藝聲的媽媽,馮盈盈當時都有上前打招呼兼問合照,可惜當時藝聲的媽媽因為未有化妝而被婉拒,不過馮盈盈仍大讚藝聲媽媽好Nice,感謝她特意飛來日本看演唱會,又在上車前畀心心她,令她直到現在仍記在心內!

雖然今日始源來港,不過馮盈盈就因為要工作緣慳一面,大為失望!(網上圖片)

另一邊箱,Super Junior成員始源今晚襲港出席品牌活動,但馮盈盈表示自己今天因為要工作而沒有機會見始源一面,感到十分可惜,最後更提及她最喜歡的圭賢仍在服兵役當中,但一定會等到他完成兵役回歸為止,又呼籲大家都要繼續支持Super Junior!實在是一位十分稱職的ELF!

更多圖片

+18
+17
+16

Super Junior東海銀赫現身《馬家過聖誕》 黎諾懿:我姪女喊出嚟!

下載《香港01》App,更多韓星靚相、影片率先睇!

http://bit.ly/hk01app

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。